Аляксандар Пацей

Аляксандар Пацей (? — сакавік 1770) — дзяржаўны дзяяч Вялікага Княства Літоўскага. Падчашы вялікі літоўскі (1724—1739), кашталян віцебскі (1739—1740) і троцкі (1740—1742), ваявода троцкі (з 1742).

Аляксандар Пацей

Аляксандар Пацей
Герб «Вага»
Асабістыя зьвесткі
Нарадзіўся	1698
Памёр	сакавік 1770[1]
Пахаваны	касьцёл Сьвятога Духа і кляштар дамініканаў
Род	Пацеі
Бацькі	Казімер Аляксандар Пацей Ганна Тэрэза зь Летаваў
Дзеці	Людвік Пацей, Леанард Пацей, Ганна Пацей[d] і Караліна з Пацеяў[d]
Дзейнасьць	палітык

Быў старостам рагачоўскім, алькеніцкім і ковенскім^[2]. Кавалер Ордэна Белага Арла (1746).

Біяграфія

Прадстаўнік шляхецкага роду Пацеяў гербу «Вага», сын Казімера Аляксандра, ваяводы віцебскага, і Ганны Тэрэзы зь Летаваў. Меў братоў Антонія (пам. у 1749), стражніка вялікага, і Міхала (пам. у 1787), старосту рагачоўскага.

У 1724 годзе атрымаў урад падчашага вялікага літоўскага, у 1739 годзе — кашталяна віцебскага, у 1740 годзе — кашталяна троцкага, у 1742 годзе — ваяводы троцкага. У 1745 годзе быў маршалкам Галоўнага Трыбуналу.

У 1720 годзе ажаніўся з Тэрэзай Война-Ясянецкай (пам. па 1743), удавой кашталяна амсьціслаўскага Канстантына Бэнэдыкта Бжастоўскага. У шлюбе нарадзіліся дзеці:

• Людвік (? — 1771), стражнік вялікі літоўскі
• Леанард (? — 1774), стражнік вялікі літоўскі па браце
• Караліна (1732—1776), жонка падкаморага вялікага літоўскага Станіслава Радзівіла
• Ганна (1720—1788), жонка ваяводы смаленскага Юзэфа Тышкевіча