Аляксандар Перапечка
беларускі футбаліст From Wikipedia, the free encyclopedia
Remove ads
Алякса́ндар Перапе́чка (нар. 7 красавіка 1989 году, Менск, БССР) — колішні беларускі футбаліст, паўабаронца.
Remove ads
Кар’ера
Клюбная
Распачаў кар’еру ў Менску, аднак з 2008 па 2010 гады правёў у Латвіі, выступаючы за рыскія клюбы «Сконта» і «Алімп». У сэзоне 2011 году перайшоў у склад менскага «Дынама», аднак зачапіцца за стартавы склад ня здолеў. У сакавіку 2012 году галоўны трэнэр «Дынама» Аляксандар Сяднёў параіў гульцу шукаць новы клюб, бо ў менскай камандзе на яго перасталі разьлічваць[2]. На наступны месяц Перапечка перайшоў у бабруйскі клюб «Белшына». У студзені 2013 году Аляксандар знаходзіўся на праглядзе ў наваполацкім «Нафтане», аднак клюбу ён не падышоў[3].
У сакавіку таго ж году стаў гульцом берасьцейскага «Дынама»[4]. Спачатку выступаў у асноўным складзе, потым пачаў толькі выходзіць на замену. У чэрвені галоўны трэнэр Уладзімер Курнеў перавёў Перапечку ў дубль. У верасьні, пасьля зыходу Курнева, футбаліст вярнуўся ў асноўны склад і хутка замацаваўся на пазыцыі правага паўабаронцы. У сэзоне 2014 году быў трывалым гульцом асновы берасьцейскага клюбу. Звычайна выступаў на пазыцыі левага паўабаронцы. У студзені 2015 году пакінуў «Дынама-Берасьце»[5].
У студзені 2015 году падпісаў кантракт з клюбам «Слуцак»[6] У чэрвені перастаў зьяўляцца на полі, і 24 чэрвеня кантракт з «Слуцкам» быў скасаваны[7]. У жніўні 2015 году вярнуўся ў берасьцейскае «Дынама»[8]. У другой палове сэзону быў трывалым гульцом асноўнага складу дынанамаўцаў, але па заканчэньні сэзону пакінуў клюб[9].
У лютым 2016 году ізноў падпісаў кантракт з «Слуцкам»[10]. У лютым 2017 году знаходзіўся на праглядзе ў малдаўскім «Мілсамі»[11], а пазьней падтрымліваў форму з «Гарадзеяй»[12]. У красавіку перайшоў у клюб «Іслач»[13], які пакінуў у ліпені 2017 году[14]. У верасьні 2018 году падпісаў кантракт зь менскім «Тарпэда»[15]. Аднак згуляў за тарпэдаўцаў толькі ў двух матчах. У студзені 2019 году пакінуў каманду[16]. У чэрвені 2019 году атрымаў ліцэнзію футбольнага агента[17].
Міжнародная
Трапіў у моладзевую зборную Беларусі перад самым чэмпіянатам Эўропы 2011 году ў Даніі, замяніўшы Уладзімера Юрчанку, які атрымаў траўму. Адразу стаў гульцом асноўнага складу зборнай і здабыў зь ёю бронзавы мэдаль. Гуляў за алімпійскую зборную Беларусі, але ня трапіў на Алімпійскія гульні 2012 году.
Remove ads
Дасягненьні
- Чэмпіён Латвіі: 2010
- Бронзавы прызэр моладзевага чэмпіянату Эўропы: 2011
Статыстыка
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads