Алішкі (Беластоцкі павет)

Алішкі (польск. Oliszki) — вёска ў Польшчы, каля ракі Гараднянкі. Уваходзяць у склад гміны Хорашч Беластоцкага павету Падляскага ваяводзтва.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Алішкі.

Алішкі лац. Ališki
польск. Oliszki
Краіна:	Польшча
Ваяводзтва:	Падляскае
Павет:	Беластоцкі
Гміна:	Хорашч
Насельніцтва:	344 чал. (31 сакавіка 2021)[1]
Часавы пас:	UTC+1
летні час:	UTC+2
Паштовы індэкс:	16-070
Геаграфічныя каардынаты:	53°6′0″ пн. ш. 23°6′0″ у. д.
Алішкі на мапе Польшчы Алішкі
Галерэя здымкаў у Вікісховішчы

Назва

Асноўныя артыкулы: Ала (мужчынскае імя) і Аліш

Ала (Alo, Allo) — імя германскага паходжаньня^[2]. Апроч таго, этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Alisz (Alusz, Alesz, Alsz, Halsz)^[3].

Яшчэ этнограф і мовазнаўца Яўхім Карскі зьвяртаў увагу на тое, што ў латыскай Курляндыі, «большасьць беларускіх населеных месцаў заканчваюцца на -ішкі»^[4], пазьней у рэчышчы палітыкі летувізацыі падобныя тапонімы на -ішкі азначылі як «гістарычна балтыйскія» і нават «тыпова летувіскія»^[5]. Тым часам менскі дасьледнік Алёхна Дайліда зазначае, што «ва ўсходнегерманскіх мовах быў пашыраны суфікс -isk-: такім парадкам, так менаваная „лінія Сафарэвіча“ (мяжа перавагі паселішчаў з назовамі на -ішкі ў Панямоньні) не абавязкова зьнітаваная з балтамі»^[6].

Гісторыя

У XIX ст. Алішкі ўваходзілі ў склад Беластоцкага павету Гарадзенскай губэрні^[7].

Насельніцтва

• 1905 год — 177 чалавек^[8]