Антон Лёсік

Анто́н Лё́сік (1872, в. Мікалаеўшчына, Менскі павет, Паўночна-Заходні край, Расейская імпэрыя — 1949, в. Мікалаеўшчына, БССР) — настаўнік, мовазнаўца, беларускі нацыянальны дзяяч. Брат Язэпа Лёсіка, дзядзька Якуба Коласа.

Вікіпэдыя мае артыкулы пра іншых асобаў з прозьвішчам Лёсік.

Антон Лёсік лац. Anton Losik
Імя пры нараджэньні	Антон Юр’евіч Лёсік
Род дзейнасьці	мовазнаўца, настаўнік
Дата нараджэньня	1872[1]
Месца нараджэньня	Мікалаеўшчына, Менскі павет, Менская губэрня, Расейская імпэрыя
Дата сьмерці	1950
Месца сьмерці	Мікалаеўшчына, Стаўпецкі раён, Баранавіцкая вобласьць, БССР, СССР
Месца вучобы	Нясьвіская настаўніцкая сэмінарыя[d] Глухаўскі нацыянальны пэдагагічны ўнівэрсытэт[d]
Занятак	мовазнавец, прафэсар унівэрсытэту
Навуковая сфэра	мовазнаўства[2]
Месца працы	Менскі гарадзкі пэдагагічны коледж[d] Выдавецтва школьных падручнікаў і літаратуры для моладзі
Антон Лёсік у Вікісховішчы

Біяграфія

Скончыў Нясьвіскую настаўніцкую сэмінарыю, вучыўся ў настаўніцкім інстытуце ў Глухаве (1897—1900)^[3]. Працаваў настаўнікам у школах Койданаўшчыны, у Ноўгарад-Северску. Пазьней выкладаў беларускую мову ў Менскім пэдагагічным тэхнікуме. Праз рэпрэсіі супраць брата Язэпа (1929—1931) быў звольнены з забаронай займацца выкладчыцкай дзейнасьцю^[3]. Да нямецкай акупацыі зарабляў на жыцьцё прыватнымі ўрокамі. У час нямецкай акупацыі працаваў у «Выдавецтве школьных падручнікаў і літаратуры для моладзі» ў Менску як рэцэнзэнт кніг.

Памёр у Мікалаеўшчыне ў 1949 годзе^[3].

Навуковая праца

Навуковы супрацоўнік Інбелкульту (з 1923), разам з братам Язэпам Лёсікам вывучаў пытаньні беларускага правапісу, удзельнічаў у складаньні праекту рэформы правапісу. Удзельнік Беларускай акадэмічнай канфэрэнцыі (1926). У час нямецкай акупацыі апрацаваў і выдаў г.зв. 8-е выданьне правапісу Тарашкевіча (1943).^[4]

Кнігапіс

• Антон Лёсік. Беларускі правапіс = Biełaruski pravapis / укладанне, прадмова, каментарыі В. Вячоркі. — Менск: ВІТпостэр, 2017. — 107 с. — 100 ас. — ISBN 978-985-7105-54-0
• Антон Лёсік. Беларускі правапіс = Biełaruski pravapis / укладанне, прадмова, каментарыі В. Вячоркі. — другое выданьне. — Менск: ВІТпостэр, 2019. — 107 с. — 100 ас. — ISBN 978-985-7105-63-2