Астравок (Берасьцейская вобласьць)

Астраво́к^[3] — вёска ў Пружанскім раёне Берасьцейскай вобласьці. Астравок уваходзіць у склад Ружанскага сельсавету. Знаходзіцца за 40 км на паўночны ўсход ад Пружанаў, 25 км ад чыгуначнай станцыі Івацэвічы на лініі Баранавічы — Берасьце. Насельніцтва на 2012 год — 51 жыхар, 28 двароў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Астравок.

Астравок лац. Astravok
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Ружанскі
Насельніцтва
колькасьць:	51 чал. (2012)[1]
колькасьць двароў:	28
Часавы пас:	UTC+3
Тэлефонны код:	+375 1632
Паштовы індэкс:	225153[2]
СААТА:	1256856031
Нумарны знак:	1
Геаграфічныя каардынаты:	52°46′36″ пн. ш. 24°56′39″ у. д.
Астравок на мапе Беларусі ± Астравок Астравок
Галерэя здымкаў у Вікісховішчы

Этымалёгія назвы

Паводле пружанскай гісторыка і краязнаўцы Веры Церахавай, назва вёскі паходзіць ад месцазнаходжаньня на востраве, акружаным з усіх бакоў вадою^[4].

Мінуўшчына

За расейскім часам — у Слонімскім павеце Гарадзенскай губэрні^[5].

За польскім часам — вёска^[6] і фальварак у гміне Ружаны Косаўскага павету Палескага ваяводзтва^[7].

Зь верасьня 1939 року ў складзе БССР, з 15 студзеня 1940 у Ружанскім, з 25 сьнежня 1962 у Пружанскім раёнах Берасьцейскай вобласьці (з 8 студзеня да 19 чэрвеня 1954 — Гарадзенскай вобласьці). У 1940 — 586 жыхароў, 56 двароў.

У ліпені 1944 року гітлераўцы спалілі вёску і загубілі 19 жыхароў. Пасьля вайны адноўленая.

1 сьнежня 2009 году перададзеная зь ліквідаванага Варанілавіцкага сельсавету ў склад Ружанскага пасялковага савету^[8], які 29 траўня 2015 году быў ператвораны ў сельсавет^[9]..

Насельніцтва

• XX стагодзьдзе: 1940 год — 586 жыхароў, 56 двароў; 1970 год — 197 жыхароў; 1999 год — 82 жыхары
• XXI стагодзьдзе: 2003 год — 69 жыхароў, 37 двароў; 2005 год — 61 жыхар, 34 двары^[10]; 2010 год — 38 жыхароў; 2012 год — 51 жыхар, 28 двароў^[1]

Транспарт

Аўтамабільныя дарогі Н533 Ружаны — Варанілавічы — Астравок^[11] і Н1010 Таўцьвілы — Верчыцы.