Бакуны (Лінаўскі сельсавет)

Бакуны́^[3] (таксама — Бакуны-1^[4]) — вёска ў Пружанскім раёне Берасьцейскай вобласьці. Уваходзіць у склад Лінаўскага сельсавету. Знаходзіцца за 12 км на поўдзень ад Пружанаў, 10 км ад чыгуначнай станцыі Аранчыцы на лініі Баранавічы — Берасьце. Насельніцтва на 2012 год — 228 жыхароў, 95 двароў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бакуны.

Бакуны
трансьліт. Bakuny
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Лінаўскі
Вышыня:	165 м н. у. м.
Насельніцтва
колькасьць:	228 чал. (2012)[1]
колькасьць двароў:	95
Часавы пас:	UTC+3
Тэлефонны код:	+375 1632
Паштовы індэкс:	225142[2]
СААТА:	1256835007
Нумарны знак:	1
Геаграфічныя каардынаты:	52°27′52″ пн. ш. 24°37′59″ у. д.
Бакуны на мапе Беларусі ± Бакуны Бакуны
Галерэя здымкаў у Вікісховішчы

Назва

Паводле пружанскай гісторыка і краязнаўцы Веры Церахавай, назва вёскі паходзіць ад імя «Бакун» — размоўнага варыянту імя Абакум — па імі папа Абакума, галоўнага прыхільніка стараверства. У Бакунах пражывалі ягоныя пасьлядоўнікі^[5].

Мінуўшчына

За расейскім часам — у Байкоўскай воласьці Пружанскага павету Гарадзенскай губэрні, 256 дзесяцін, школа; фальварак у складзе маёнтку Ляўковічаў Байкі Букрабаўшчына^[6]. У 1886 року ў вёсцы 152 жыхары, 13 двароў, праваслаўная царква, школа. На пачатку XX стагодзьдзя ў вёсцы 207, у фальварку 9 жыхароў.

За польскім часам — вёска ў гміне Байкі Пружанскага павету Палескага ваяводзтва^[7]. У 1921 у вёсцы 133 жыхары, 25 двароў; у фальварку 213 жыхароў, 2 дамы.

Зь верасьня 1939 року ў складзе БССР, з 15 студзеня 1940 у Пружанскім раёне Берасьцейскай вобласьці. З 12 кастрычніка 1940 па 12 жніўня 1957 і з 15 жніўня 1974 па 18 лістапада 2005 — цэнтар сельсавету.

Інфраструктура

Дом культуры, бібліятэка, аддзяленьне сувязі, крама.

Фэльчарска-акушэрскі пункт, комплексны прыёмны пункт бытавога абслугоўваньня.

Насельніцтва

• XIX стагодзьдзе: 1886 год — 152 жыхары, 13 двароў
• XX стагодзьдзе: пачатак стагодзьдзя — 216 жыхароў; 1921 год — 346 жыхароў, 27 двароў; 1959 год — 263 жыхары (перапіс); 1970 год — 257 жыхароў; 1999 год — 336 жыхароў
• XXI стагодзьдзе: 2005 год — 338 жыхароў, 119 двароў^[8]; 2010 год — 215 жыхароў; 2012 год — 228 жыхароў, 95 двароў^[1]

Транспарт

Аўтамабільная дарога Н528 Аранчыцы — Бакуны — Вінец^[9].

Турыстычная інфармацыя

Славутасьці

• Капліца могілкавая — сямейнае пахаваньне Ляўковічаў^[10]
• Помнік землякам, загінулым у Вялікую Айчынную вайну
• Помнік Васілю Чапаеву

Страчаная спадчына

• Царква (1834)
• Фальварак