Балдыка

Балдыка (Болдыка, Болдык), Бальдыка (Бальцік, Больцік) — мужчынскае імя і вытворнае ад яго прозьвішча.

Baldiko
Паходжаньне
Мова(-ы)	германскія
Утворанае ад	Bald + суфікс з элемэнтам -к- (-k-)
Іншыя формы
Варыянт(ы)	Бальдыка, Болдык, Бальцік, Больцік
Зьвязаныя артыкулы
якія пачынаюцца з «Балдыка»

Паходжаньне

Асноўны артыкул: Імёны ліцьвінаў

Бальдыка або Балдыка (Baldiko, Baldicke^[1], Baldiho) — імя германскага паходжаньня^[2]. Іменная аснова -балд- (-болд-, -болт-) (імёны ліцьвінаў Бірыбольд, Румбольд, Рыбалт; германскія імёны Beribald, Rumbold, Ribald) паходзіць ад гоцкага *balth, стараверхненямецкага bald 'сьмелы, адважны'^[3][4].

Адпаведнасьць імя Баўдзейка германскаму імю Baltichus (Baldiho) сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[5].

Пад 1446 годам у Польшчы адзначалася вёска Baldiky (пазьнейшая Bełdyki) каля Макава Мазавецкага (цяпер Мазавецкае ваяводзтва)^[6].

У Прусіі адзначалася прозьвішча Baldich^[7].

Варыянты імя ў гістарычных крыніцах: Станиславъ Балъдыка самъ. Матеи Балдычичъ самъ (1528 год)^[8]; Bołdyka (1571 год)^[9]; Balcikowna (1671—1681 гады)^[10]; Piotrok Boltcik, słobożanin. Syn — Ambros. Bracia: Symon, Iwan (1722 год)^[11].

Носьбіты

• Станіслаў Балдыка і Мацей Бальдычыч — бельскія баяры, якія ўпамінаюцца ў попісе войска Вялікага Княства Літоўскага 1528 году

Болдыкі (Bołdyk) гербу Юнчык — літоўскі шляхецкі род^[12].

Бальдыка (Baldyka) — прозьвішча, зафіксаванае ў XIX стагодзьдзі ў ваколіцах Сувалкаў^[13].

У актах Вялікага Княства Літоўскага ўпаміналася вёска Болдзікава (Болдиково) у Амсьціслаўскім ваяводзтве^[14].