Болташ

Болташ, Болдыш — мужчынскае імя і вытворнае ад яго прозьвішча.

Boltsch
Паходжаньне
Мова(-ы)	германскія
Утворанае ад	Boldt + суфікс з элемэнтам -ш- (-sch-)
Іншыя формы
Варыянт(ы)	Болдыш
Зьвязаныя артыкулы
якія пачынаюцца з «Болташ»

Паходжаньне

Асноўны артыкул: Імёны ліцьвінаў

Болтш або Больч (Boltsch) — імя германскага паходжаньня^[1]. Іменная аснова -балд- (-болд-, -болт-) (імёны ліцьвінаў Бірыбольд, Румбольд, Рыбалт; германскія імёны Beribald, Rumbold, Ribald) паходзіць ад гоцкага *balth, стараверхненямецкага bald 'сьмелы, адважны'^[2][3].

Варыянты імя ў гістарычных крыніцах: заставилъ землю — отъчызну свою, Янку Болътошевичу, немонойчанину… заставилъ землю — ниву свою, Янку Болътошевичу (люты 1531 году)^[4]; тивун Балтуш Шилеикович (1 ліпеня 1542 году)^[5]; Bołtasz Macieiewicz… Bałtusz, pomocnicy (1554 год)^[6]; Daniel Boltasz (1641 год)^[7]; Яцъко Балдышь (1649 год)^[8]; Andrżey Bałdyszewicz (1765 год)^[9].

Носьбіты

Болдышы гербу Корчак — літоўскі шляхецкі род^[10][11].

Балдышы (Bałdysz) — літоўскі шляхецкі род з ваколіцаў Шаўляў і Расенаў^[12].

На 1906 год існавалі дзьве вёскі з назвай Болдышы ў Гарадоцкім павеце, таксама вёска Болдышы існавала ў Дрысенскім павеце Віцебскай губэрні^[13].