Бурса

Бурса (па-турэцку: Bursa) — горад на паўночным захадзе Анатоліі, чацьверты паводле велічыні ў Турэччыне пасьля Стамбулу, Анкары і Ізьміру, адміністрацыйны цэнтар аднаіменнай правінцыі. Бурса — адзін з найбольш разьвітых прамысловых і культурных цэнтраў краіны. Разьмешчаны на паўночна-заходнім схіле гары Ўлудаг. Насельніцтва — 1 854 285 чалавек (2015 год).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бурса (неадназначнасьць).

Бурса
турэц. Bursa
Першыя згадкі:	202
Былая назва:	Кіёс, Пруса
Краіна:	Турэччына
Рэгіён:	Мармуроваморскі
Плошча:	11 043 км²
Вышыня:	100 м н. у. м.
Насельніцтва:	1 854 285 чал. (2015)
Тэлефонны код:	224
Паштовы індэкс:	16000
Геаграфічныя каардынаты:	40°11′29″ пн. ш. 29°4′50″ у. д.
Бурса на мапе Турэччыны Бурса
Галерэя здымкаў у Вікісховішчы
http://www.bursa.bel.tr/

Гісторыя

Першапачаткова горад быў вядомы пад назвай Кіёс. У 202 годзе Філіп V Македонскі падараваў горад каралю Бітыніі Прусію I за тое, што той падтрымаў яго ў вайне з Пэргамам і Гэраклеяй Пантыйскай. З таго часу горад стаў называцца Прусай (Алімпійскай).

З 395 па 1326 гг. горад належаў Бізантыйскай імпэрыі. У 1326 годзе, пасьля разгрому бізантыйцаў і пасьпяховай асады гораду, Бурса пераходзіць Асманскай імпэрыі. У 1326—1365 гадох — сталіца маладой Асманскай дзяржавы.

Горад моцна пацярпеў ад пажару 1801 году і землятрусу 1855 г. Падчас другой грэка-турэцкай вайны 1919—1922 гадоў горад быў улетку 1920 акупаваны грэцкімі войскамі, вернуты Турэччыне ў канцы 1922 году, з гэтага часу ў складзе Турэцкай рэспублікі.

Эканоміка

Сучасная Бурса — цэнтар турэцкай аўтамабільнай прамысловасьці. У горадзе працуюць заводы FIAT і «Рэно», шэраг прадпрыемстваў па выпуску аўтамабільных дэталяў (Bosch і інш.). Высокаразьвітыя лёгкая і харчовая галіны прамысловасьці. Традыцыйна Бурса славілася як галоўны вузел гандлю шоўкам у Бізантыі і пазьней Асманскай імпэрыі, пакуль існаваў Вялікі шоўкавы шлях. Горад застаецца значным цэнтрам вытворчасьці і гандлю тэкстылем. Бурса славілася багатымі глебамі і разьвітой сельскай гаспадаркай, якая аднак у апошнія гады знаходзіцца ў заняпадзе з-за моцнай індустрыялізацыі гораду. Бурса таксама зьяўляецца значным турыстычным цэнтрам (гарналыжныя курорты, тэрмальныя крыніцы).

Славутасьці

Зялёны мячэт

• Зялёны мячэт
• Зялёны маўзалей, у якім пахаваны султан Мэхмэд I
• Мячэт Улу-Джамі
• Францускі касьцёл
• Фартэцыя
• Шоўкавы базар
• Вежавы гадзіньнік
• Гара Ўлудаг
• Тэрмальныя крыніцы
• Археалягічны музэй
• Этнаграфічны музэй
• Музэй традыцыйгана асманскага адзеньня і ўпрыгожваньняў
• Музэй аўтамабіляў
• Музэй Ататурка

Гарады-сябры

1971. Дармштат, Нямеччына 1972. Сараева, Босьнія і Герцагавіна 1975. Мултан, Пакістан 1979. Оўлу, Фінляндыя 1983. Тыфмн, Агаё, ЗША 1987. Кайруан, Туніс 1988. Дэнізьлі, Турэччына

1990. Нікасія, Кіпр 1991. Аншан, КНР 1996. Бітала, Паўночная Македонія 1997. Герцлія, Ізраіль 1997. Чадыр-Лунга, Малдова 1997. Кызыларда, Казахстан 1998. Муаскар, Альжыр

1998. Кульмбах, Нямеччына 1998. Плевэн, Баўгарыя 1998. Плоўдзіў, Баўгарыя 1998. Тырана, Альбанія 2000. Кошыцэ, Славаччына 2004. Віньніца, Украіна

Галерэя

• 
  Фартэцыя
• 
  Фартэцыя
• 
  Шоўкавы базар
• 
  Маленькі базарны мячэт
• 
  Вежавы гадзіньнік у квартале Тафан
• 
  Гара Ўлудаг

Вонкавыя спасылкі

Бурса — сховішча мультымэдыйных матэрыялаў