Бялёва

Бялёва^[4] — вёска ў Камянецкім раёне Берасьцейскай вобласьці, уваходзіць у Дзьмітравіцкі сельсавет.

Бялёва
трансьліт. Bialiova
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Дзьмітравіцкі
Вышыня:	166[1] м н. у. м.
Насельніцтва:	144 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225065[2]
СААТА:	1240820006[3]
Нумарны знак:	1
Геаграфічныя каардынаты:	52°25′41″ пн. ш. 23°45′37″ у. д.
Бялёва на мапе Беларусі ± Бялёва Бялёва

Бялёва месьціцца за 4 км на паўночны захад ад Камянцу, за 43 км на поўнач ад Берасьця, за 31 км на паўночны ўсход ад чыгуначнай станцыі Высока-Літоўск на лініі Берасьце — Беласток.

Гісторыя

• 1857: паводле 10-й рэвізіі ў вёсцы 263 рэвіскія душы, дзяржаўная ўласнасьць.
• канец XIX ст.: вёска ў Камянец-Літоўскай воласьці Берасьцейскага павету Гарадзенскай губэрні Расейскай імпэрыі.
• 1890: у складзе Бялеўскай сельскай грамады, каля 500 дзесяцінаў прыдатнай зямлі, 97 дзесяцінаў лугу.
• 1897: паводле перапісу 69 двароў, 385 жыхароў, дзейнічала хлебазапасная крама.
• 1905: у вёсцы 416 жыхароў, дзейнічала народнае вучылішча (86 вучняў).
• 1921: у выніку польска-савецкай вайны па Рыскай мірнай дамове ў складзе Польшчы.
• 1923: у вёсцы 24 жылыя двары і 26 нежылых, 215 жыхароў.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: вёска ў Мікалаеўскім сельсавеце Камянецкага раёну Берасьцейскай вобласьці, 89 двароў, 415 жыхароў.
• 1941—1945: цягам Другой сусьветнай вайны на франтах загінулі і прапалі бязь вестак 13 жыхароў вёскі.
• 1950: у вёсцы дзейнічалі калгас «Палітаддзелец» (аб’ядноўваў 84 гаспадаркі), 7-гадовая школа.
• 1954: у Дзьмітравіцкім сельсавеце Камянецкага раёну.
• 1960: у вёсцы 354 жыхары, уваходзіла ў саўгас імя Дзімітрава.

Насельніцтва

• 2010 год — 144 жыхары
• 2005 год — 183 жыхары, 86 двароў^[5]
• 1999 год — 194 жыхары

Інфраструктура

У складзе СВК «Хадасы». Працуе пачатковая школа.