Біцейка

Біцейка (Біцік), Бецейка (Бэтэйка) — мужчынскае імя і вытворнае ад яго прозьвішча.

Beteke
Паходжаньне
Мова(-ы)	германскія
Утворанае ад	Beto + суфікс з элемэнтам -к- (-k-)
Іншыя формы
Варыянт(ы)	Бецейка, Бэтэйка, Біцік
Зьвязаныя артыкулы
якія пачынаюцца з «Біцейка»

Паходжаньне

Асноўны артыкул: Імёны ліцьвінаў

Беціка або Бецека (Bettika, Beteke) — імя германскага паходжаньня^[1]. Іменная аснова бід- (біт-) (імёны ліцьвінаў Біцель, Біцін, Бітаўт; германскія імёны Bydilo, Bitinus, Bitold) паходзіць ад гоцкага beodan 'чакаць, спадзявацца'^[2].

Германскае паходжаньне імя Біцейка сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[3].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Betko^[4]: Beteko (1311 год і XIV ст.), Betheko (1312 год), Betiko (1367 год), Betk (1379 год)^[5].

У Прусіі бытавала імя Бедыка: Bedike (1420 год)^[6].

Варыянты імя ў гістарычных крыніцах: den Litauern… Byeteigen (21 студзеня 1315 году)^[7]; три чоловеки… Битеико^[8], пять чоловеков… Битеико^[9] (1440—1492 гады); бояре его декснянъские… Битеико (20 кастрычніка 1538 году)^[10]; людей волости Бобруйское… а Иванъца Битика (19 сакавіка 1541 году)^[11]; земян… Яна Битейка (10 верасьня 1582 году)^[12]; в селе Битиках (8 лютага 1592 году)^[13]; Adam Beteyka (1778 год)^[14]; Parafia świrańska… Biciejkiszki, zaścianek (1784 год)^[15]; Agata Bieciejko (1844 год)^[16].

Носьбіты

У актах Вялікага Княства Літоўскага ўпаміналася сяло Бітыкі (Битыки) пры маёнтку Кельмах, а таксама фальварак Біцейкі (Бицейки) у Менскім ваяводзтве^[17].

На 1903 год фальварак і сяліба Бітыкі існавалі ў Шавельскім павеце Ковенскай губэрні^[18].