Валейка

Валейка (Валіка) — мужчынскае імя і вытворнае ад яго прозьвішча.

Waleicho
Паходжаньне
Мова(-ы)	германскія
Утворанае ад	Wal + суфікс з элемэнтам -к- (-k-)
Іншыя формы
Варыянт(ы)	Валіка
Зьвязаныя артыкулы
якія пачынаюцца з «Валейка»

Паходжаньне

Асноўны артыкул: Імёны ліцьвінаў

Валіка або Валейка (Walica, Waleicho) — імя германскага паходжаньня^[1]. Іменная аснова -вал- (імёны ліцьвінаў Валін, Валант, Гервала; германскія імёны Walin, Waland, Gerwala) паходзіць ад гоцкага *wala 'тыя, хто выдужаў на полі бітвы', walisa 'праўдзівы, лю́бы', waljan 'выбраць' або германскага wala < *wal(a)ha- 'чужы, валійскі'^[2].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Welke^[3].

У Польшчы адзначаюцца прозьвішчы Валэйка (Wołejko, Wołłejko) і Валэйковіч (Wołejkowicz)^[4].

Варыянты імя ў гістарычных крыніцах: подданые… Амброжей Волейко (31 траўня 1593 году)^[5]; въ томъ селе Видюнскахъ поступленыхъ волокъ… Якубъ Волейковичъ (13 студзеня 1594 году)^[6]; poddani do tego folwarku… Marcin Wałeyko… Krzysztoph Wałeyko (4 сакавіка 1667 году)^[7]; poddani do tego folwarku nalezący…. Augustyn Wołeyko… Krzysztoph Wołeyko (23 верасьня 1668 году)^[8]; słuzba Meyzelow… Krzysztoph Waleyko przychozy (24 чэрвеня 1695 году)^[9]; we wsi Stybirach… Maciey Wołeyko… we wsi Wiburach… Jakubowa Wałeykowa… Stanisław y Piotr Wałeykowie… Mikołay Wałeyko (23 красавіка 1698 году)^[10]; Kazimierz Zyk z pasynkiem Dawidem […] Wałeyko (8 чэрвеня 1698 году)^[11]; Mihael Wałeyka (1703 год)^[12]; Baltromeus Wałeyka (1721 год)^[13].

Носьбіты

Валэйкі (Wołejko) — прыгонныя зь мястэчка Мураванай Ашмянкі, вёскі Слабады (Ашмянскі павет) і ваколіцаў Сьвянцянаў, якія ўпамінаюцца ў XIX стагодзьдзі^[14][15].

Валэйкі (Wałejko) — прыгонныя зь вёскі Багуславішкаў (Віленскі павет), якія ўпамінаюцца ў XIX стагодзьдзі^[16].

Валэйковічы (Wołejkowicz) — прыгонныя зь вёскі Вашканцаў (Віленскі павет), якія ўпамінаюцца ў XIX стагодзьдзі^[17].

Валікевічы (Walikiewicz) — літоўскі шляхецкі род зь Вільні і Віленскага павету^[18].

Валэйкі (Wołejko) — літоўскія шляхецкія роды з ваколіцаў Сьвянцянаў^[19] і Троцкага павету^[20].

Валейка (Walejko, Wolejko) — прозьвішча, зафіксаванае ў XIX стагодзьдзі ў ваколіцах Сувалкаў^[21].

На гістарычнай Ашмяншчыне існуюць вёскі Валэйкавічы і Валейкаўка, на гістарычнай Полаччыне — Валейкава, на гістарычнай Віленшчыне — Валэйкішкі і Валейкуны.