Войшын

Войшын, Войсін (Войсім) — мужчынскае імя і вытворнае ад яго прозьвішча^[1].

Wisin Vussin
Паходжаньне
Мова(-ы)	германскія
Утворанае ад	Woyscha + суфікс з элемэнтам -н- (-n-) Wiso (Weise) + суфікс з элемэнтам -н- (-n-)
Іншыя формы
Варыянт(ы)	Войсін, Войсім
Вытворныя формы	Вісень
Зьвязаныя артыкулы
якія пачынаюцца з «Войшын»

Паходжаньне

Асноўны артыкул: Імёны ліцьвінаў

Вісін (Wisin^[2]) і Вусін (Vussin) — імёны германскага паходжаньня^[3]. Іменная аснова -войш- (-вайш-) (імёны ліцьвінаў Вайшыла, Вайсар, Войшнар; германскія імёны Weisel, Weiser, Wießner) паходзіць ад гоцкага і бургундзкага waiþs 'паляваньне', гоцкага waiþja 'паляўнічы'^[4] або ад асновы -віс- (-віз-, -веш-)^[5][6] (пазьнейшай -вайс-^[7]). Такім парадкам, імя Войшым азначае «паляўнічы»^[8].

Варыянты імя ў гістарычных крыніцах: cum Woysym Deneykowicz^[9], Woyschin Daneycouicz^[10], Woysim Daneycouicz^[11] (2 кастрычніка 1413 году); Hrehory Wojsinowicz (1621 год)^[12]; Andrzej Woysin Antoniewicz (11 лютага 1784 году)^[13].

Носьбіты

• Войшын Данейкавіч — літоўскі баярын, які на Гарадзельскай уніі атрымаў герб Яніна

Войшыны або Войсіны (Woyszyn, Wojsin^[14]) гербу Яніна — літоўскі шляхецкі род^[15].

Войсім-Антаневічы (Wojsim-Antoniewicz), таксама Войсін-Антаневічы^[16] — літоўскі шляхецкі род зь Вільні^[17].

Войшын-Жылінскія (Войшым-Жылінскія) — літоўскі шляхецкі род^[18].