Вытраскі

Вы́траскі^[1] — вёска ў Мядзельскім раёне Менскай вобласьці, уваходзіць у склад Княгінінскага сельсавету.

Вытраскі
трансьліт. Vytraski
Краіна:	Беларусь
Вобласьць:	Менская
Раён:	Мядзельскі
Сельсавет:	Княгінінскі
Насельніцтва:	55 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222378
Нумарны знак:	5
Геаграфічныя каардынаты:	54°44′58.99″ пн. ш. 27°12′22.00″ у. д.
Вытраскі на мапе Беларусі ± Вытраскі Вытраскі

Гісторыя

• 1847 год — зьяўлялася вёскай маёнтку Янушова Вялейскага павету Віленскай губэрні і была ўладаньнем памешчыка В. Корсака. Вёска налічвала 2 двары і 21 жыхара.
• З 1889 году ў вёсцы працавала школа граматы, дзе ў 1896/97 навучальным годзе навучаліся 10 хлопчыкаў.
• 1904 год — на месцы сучаснай існавалі тры вёскі ў Крывіцкай воласьці Вялейскага павету: Вытраскі 1-я, Вытраскі 2-я і Вытраскі 3-я. Першая зь іх налічвала 98 жыхароў, другая — 97 жыхароў, трэцяя — 71 жыхара адпаведна.
• 1921 год — вёска знаходзіцца ў складзе гміны Крывічы Вялейскага павету Віленскага ваяводзтва. У складзе вёскі знаходзіліся 56 двароў і 332 жыхары.
• З 12 кастрычніка 1940 году вёска знаходзіцца ў складзе Восаўскага сельсавету Крывіцкага раёну Вялейскай вобласьці (з 20 верасьня 1944 году — Маладэчанскай).
• 1940 год — створана калгас імя Сталіна. Пасьля сканчэньня Вялікай Айчыннай вайны калгас быў адноўлены.
• 17 ліпеня 1954 году — вёска ўвайшла ў склад Княгінінскага сельсавету.
• З 1964 году вёска знаходзіцца ў складзе саўгасу «Восаўскі» з цэнтрам у вёсцы Восава.
• 20 студзеня 1960 году вёска ўвайшла ў склад Менскай вобласьці.
• 1960 год — насельніцтва вёскі складала 274 жыхары.
• З 25 сьнежня 1962 году вёска знаходзіцца ў складзе Мядзельскага раёну.
• З 4 верасьня 1991 вёска знаходзіцца ў складзе кагласу «Восаўскі».

Насельніцтва

• 2010 год — 55 жыхароў
• 1999 год — 92 жыхары
• 1 студзеня 1997 году — 51 двор, 106 жыхароў

Інфраструктура

у вёсцы разьмяшчаюцца крама, бібліятэка, жывёлагадоўчая фэрма.