Відамля

Ві́дамля^[2] — вёска ў Камянецкім раёне Берасьцейскай вобласьці, за 8 км на поўдзень ад Камянцу, за 24 км на поўнач ад Берасьця, за 25 км на паўночны захад ад чыгуначнай станцыі Жабінка на лініі Берасьце — Баранавічы, на скрыжаваньні аўтадарог Берасьце — Каменюкі (Р83) і Слонім — Высокае (Р85). Зьяўляецца цэнтрам Відамлянскага сельсавету.

Відамля
трансьліт. Vidamlia
Першыя згадкі:	17 стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Відамлянскі
Насельніцтва:	927 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225067[1]
Нумарны знак:	1
Геаграфічныя каардынаты:	52°19′35″ пн. ш. 23°46′58″ у. д.
Відамля на мапе Беларусі ± Відамля Відамля
Галерэя здымкаў у Вікісховішчы

Прыдарожны крыж

Інфраструктура

У вёсцы працуе сярэдняя школа, Дом культуры, бібліятэка, аддзяленьне сувязі, дзіцячы сад, 4 крамы, кафэ, філія «Беларусбанку». Цэнтар ААТ «Відамлянскае».

Гісторыя

• XVII стагодзьдзе: вёска ў Берасьцейскім павеце Берасьцейскага ваяводзтва ВКЛ, згадваецца ў дакумэнтах пад 1646 годам.
• 1795: пасьля 3-га падзелу Рэчы Паспалітай у складзе Расейскай імпэрыі.
• XIX ст.: вёска і аднайменны маёнтак у Берасьцейскім павеце Гарадзенскай губэрні.
• 1850: у складзе Турнянскай воласьці таго ж павету.
• 1857: згодна 10-й рэвізіі вёска, 283 рэвіскія душы, у складзе маёнтку Чарнаўчыцы, уласнасьць Грабоўскіх.
• 1885: у вёсцы 34 двары, 357 жыхароў, школа, карчма; побач аднайменны маёнтак памешчыка Міхала Грабоўскага, 829 дзесяцінаў зямлі.
• 1905: 507 жыхароў.
• 1921: вёска ў складзе Турнянскай гміны Берасьцейскага павету Палескага ваяводзтва міжваеннай Польшчы.
• 1923: 40 двароў, 198 жыхароў.
• 1939: у складзе Берасьцейскай вобласьці БССР.
• 1940: у складзе Відамлянскага сельсавету Камянецкага раёну Берасьцейскай вобласьці, у вёсцы 70 двароў, 352 жыхары. У склад сельсавету ўваходзілі 14 вёсак і 6 хутароў, дзейнічалі калгас імя Молатава (32 гаспадаркі), 7 пачатковых школаў, 6 ветраных млыноў, сельпо, цагельны завод.
• ліпень 1944: вёска (87 двароў) спалена нямецкімі захопнікамі.
• 1948: у 7-гадовай школе 66 вучняў.
• 1950: вёска — цэнтар калгасу «Кастрычнік», арганізаванага на базе дробных гаспадарак.
• 1960: 317 жыхароў.
• 1970: 409 жыхароў.

Насельніцтва

• 2010 год — 927 жыхароў
• 2005 год — 861 жыхар, 328 двароў^[3]
• 1999 год — 914 жыхароў