Генела

Генела (Генуль, Генель, Гінела, Гінель, Кінель) — мужчынскае імя і вытворнае ад яго прозьвішча.

Genilo
Паходжаньне
Мова(-ы)	германскія
Утворанае ад	Ginno + суфікс з элемэнтам -л- (-l-)
Іншыя формы
Варыянт(ы)	Гінела, Гінель, Генель, Кінель
Зьвязаныя артыкулы
якія пачынаюцца з «Ґенела»

Паходжаньне

Асноўны артыкул: Імёны ліцьвінаў

Геніла, Генель або Гінола (Genilo^[1], Genilli^[2], Gennilo^[3], Genellus^[4], Ginolo) — імя германскага паходжаньня, утворнае ад імя Ginno з дапамогай суфіксу l^[5]. Іменная аснова -гін- (-ген-, -кін-) (імёны ліцьвінаў Гендрута, Кімунд, Менгін; германскія імёны Genedrudis, Ginmund, Mennigen) паходзіць ад гоцкага gin- 'пачатак'^[6] (гоцкае *ginnan, германскае *gennan 'пачынаць'^[7]).

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Kinel^[8].

Варыянты імя ў гістарычных крыніцах: Кинел Петрович… Кинел Мацкович… Кгинел Петрович (1537—1538 гады)^[9]; пустыхъ земль… Кгенеловъщина (1542 год)^[10]; Щепуть Матеевич Кгенелъ, у него дочка Ганна (17 сакавіка 1578 году)^[11]; Jerzy Gienul (1667 год)^[12]; Giniełowa (1671—1681 гады)^[13]; dom Jendrzeia Ginielewicza (1688 год)^[14]; p. Franciszek Ginielewicz (20 кастрычніка 1701 году)^[15]; Michał Gienielewicz (1710 год)^[16]; Ginielewicz Stanisław (28 чэрвеня 1758 год)^[17].

Носьбіты

• Кінель (Гінель) Пятровіч і Кінель Мацькавіч — жыхары Жамойцкага староства, якія ўпамінаюцца ў 1537—1538 гадох

Генулі — літоўскі шляхецкі род, які меў уладаньні на Жамойці.

Гінялевічы (Ginielewicz) гербу Касьцеша — літоўскі шляхецкі род^[18] зь Віленскага ваяводзтва^[19].

Гінель (Giniel) — прозьвішча, зафіксаванае ў XIX стагодзьдзі ў ваколіцах Сувалкаў^[20].

На гістарычнай Лідчыне існуе вёска Гінэлі.