Герын

Герын (Гірын, Гірынь, Гарын) — мужчынскае імя і вытворнае ад яго прозьвішча.

Gerin
Паходжаньне
Мова(-ы)	германскія
Утворанае ад	Gero + суфікс з элемэнтам -н- (-n-)
Іншыя формы
Варыянт(ы)	Гірын, Гарын, Гірынь
Вытворныя формы	Керун
Зьвязаныя артыкулы
якія пачынаюцца з «Ґерын»

Паходжаньне

Асноўны артыкул: Імёны ліцьвінаў

Герын, Гірын або Гарын (Gerin, Girin^[1], Girinus^[2], Garin) — імя германскага паходжаньня^[3]. Іменная аснова -гер- (-гар-, -гір-) (імёны ліцьвінаў Гералт, Гермонт, Бутгер; германскія імёны Gerolt, Geromont, Butger) паходзіць ад стараісьляндзкага geirr, стараверхненямецкага gēr 'дзіда'^[4].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Gerinus^[5].

У Прусіі бытавала імя Garene^[6].

У Польшчы адзначаецца прозьвішча Герын (Geryn)^[7].

Варыянты імя ў гістарычных крыніцах: Полочане… а з мещанъ Кгирина (каля 1492 году)^[8]; Гирина вдова (1566 год)^[9]; Girin (1671—1681 гады)^[10]; Hory: p. Tomasz Giryń (1690 год)^[11]; xiędza Marcina Giryna, kommendarza Wieliskiego (10 верасьня 1714 году)^[12]; Obrąb Pupiszki. Stanisław Gieryn. Krasławski (26 жніўня 1765 году)^[13]; Jegomość Pan Krzysztof Giryn (7 лістапада 1765 году)^[14]; z Komkow… Janko syn Andrzeja Gieryn (20 лютага 1816 году)^[15]; Elżbieta Girynowicz (1861 год)^[16].

Носьбіты

• Герын — адзін з палятынаў пры двары Карла Вялікага

Герыны — парафіяне касьцёлаў ў ваколіцах Дынабургу, якія ўпамінаюцца канцы XVIII—XIX стагодзьдзях^[17].

Гірыны гербу Даленга — літоўскі шляхецкі род з Ашмянскага павету і Вільні^[18].

Гірыні або Гірыны (Giryń, Giryn) гербу Зьнін — літоўскія шляхецкія роды з ваколіцаў Сьвянцянаў і Аранаў^[19].

Гарыновічы (Garynowicz) гербу Магіла — літоўскі шляхецкі род^[20].

Герын (Gerin) — прозьвішча, гістарычна зафіксаванае на тэрыторыі цяперашняй Летувы^[21].

На гістарычнай Ашмяншчыне існуюць вёскі Гірыны і Гірынішкі, у гістарычнай Прусіі — Гірэнэн.