Грабаў (Жыткавіцкі раён)

Гра́баў^{[2][3][4][5][6]} (афіцыйная назва — Гра́бава^[5]) — вёска ў Жыткавіцкім раёне Гомельскай вобласьці, на правым беразе ракі Случы, за 6 км на поўнач ад Мілевічаў. Грабава ўваходзіць у склад Мілевіцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Грабаў, Грабава.

Грабаў
трансьліт. Hrabaŭ[a]
Першыя згадкі:	XIX стагодзьдзе
Краіна:	Беларусь
Вобласьць:	Гомельская
Раён:	Жыткавіцкі
Сельсавет:	Мілевіцкі
Вышыня:	142 м н. у. м.
Насельніцтва:	111 чал. (2018)[1]
Часавы пас:	UTC+3
Тэлефонны код:	+375 2353
Паштовы індэкс:	247976
СААТА:	3216824011
Нумарны знак:	3
Геаграфічныя каардынаты:	52°30′45″ пн. ш. 27°36′57″ у. д.
Грабаў на мапе Беларусі ± Грабаў Грабаў

Назва

Вёска ў першыню згадваецца пад назвай Грабаў^[7][8][9], якая хутчэй за ўсё паходзіць ад назвы дрэва граб^[10]. У савецкі час назва набыла форму Грабава^[11]. У сучаснай Беларусі на афіцыйным узроўні працягваюць ужываць савецкую форму назвы^[5][12]. Пры гэтым мясцовыя жыхары працягваюць ужываць гістарычную назву Грабаў^{[13][14][15][16][10]}.

Гісторыя

Паводле пісьмовых крыніцаў вядомая з XIX стагодзьдзя як вёска ў Ленінскай воласьці Мазырскага павету Менскай губэрні Расейскай імпэрыі^[12].

З 12 кастрычніка 1940 году ўваходзіць у склад Мілевіцкага сельсавету Ленінскага (з 20 студзеня 1960 году — Старобінскага, з 11 красавіка 1960 году — Жыткавіцкага) раёну Пінскай (з 8 студзеня 1954 году — Берасьцейскай, з 20 студзеня 1960 году — Менскай, з 11 красавіка 1960 году — Гомельскай) вобласьці^[17].

Насельніцтва

• XIX стагодзьдзе: 6 траўня 1896 году — вёска: 26 двароў, 194 жыхары (90 жанчын, 104 мужчыны); фальварак: 5 жыхароў (2 жачыны, 3 мужчыны)^[18]
• XX стагодзьдзе: 1908 год — вёска: 263 жыхары; 1994 год — вёска: 153 двары, 378 жыхароў^[6]; 1999 год — 268 жыхароў
• XXI стагодзьдзе: 2004 год — 218 жыхароў, 113 двароў^[12]; 2009 год — 169 жыхароў^[19]; 2018 год — 111 жыхароў, 68 двароў^[1]

Вуліцы

Азёрная, Маставая, Першамайская, Школьная.

Заўвагі

1. Паводле афіцыйнай назвы — Hrabava