Мілевічы

Міле́вічы^[2] — вёска ў Беларусі, на правым беразе ракі Случы. Цэнтар сельсавету Жыткавіцкага раёну Гомельскай вобласьці. Знаходзяцца за 16 км на поўнач ад вёскі Леніна.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мілевічы (неадназначнасьць).

Мілевічы лац. Milevičy
Першыя згадкі:	XVI стагодзьдзе
Краіна:	Беларусь
Вобласьць:	Гомельская
Раён:	Жыткавіцкі
Сельсавет:	Мілевіцкі
Вышыня:	145 м н. у. м.
Насельніцтва:	475 чал. (2018)[1]
Часавы пас:	UTC+3
Тэлефонны код:	+375 2353
Паштовы індэкс:	247976
СААТА:	3216824026
Нумарны знак:	3
Геаграфічныя каардынаты:	52°28′0″ пн. ш. 27°36′0″ у. д.
Мілевічы на мапе Беларусі ± Мілевічы Мілевічы
Галерэя здымкаў у Вікісховішчы

Назва

Асноўны артыкул: Міл (імя)

Паводле францускага лінгвіста-германіста Раймонда Шмітляйна, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў, імя Міл адпавядае старажытнаму германскаму імю Milo, засьведчанаму з VIII стагодзьдзя^[3].

Гісторыя

Паводле пісьмовых крыніцаў вядомая з XVI стагодзьдзя як вёска ў Наваградзкім ваяводзтве Вялікага Княства Літоўскага. У выніку другога падзелу Рэчы Паспалітай (1793 год) апынуліся ў складзе Расейскай імпэрыі^[4].

З 12 кастрычніка 1940 году цэнтар Мілевіцкага сельсавету Ленінскага (з 20 студзеня 1960 году — Старобінскага, з 11 красавіка 1960 году — Жыткавіцкага) раёну Пінскай (з 8 студзеня 1954 году — Берасьцейскай, з 20 студзеня 1960 году — Менскай, з 11 красавіка 1960 году — Гомельскай) вобласьці^[5].

Насельніцтва

• XIX стагодзьдзе: 6 траўня 1896 году — 78 двароў, 614 жыхароў (310 жанчын, 304 мужчыны)
• XX стагодзьдзе: 1908 год — сяло: 702 жыхары; 1994 год — вёска: 336 двароў, 962 жыхары; 1999 год — 800 жыхароў
• XXI стагодзьдзе: 2004 год — 691 жыхар, 281 двор^[4]; 2009 год — 489 жыхароў^[6]; 2018 год — 475 жыхароў, 200 двароў^[1]

Вуліцы

Ленінская, Набярэжная.

Страчаная спадчына

• Яана-Багаслаўская царква, пабудаваная ў 1801 годзе