Грычын

Гры́чын^[1] (афіцыйная назва — Гры́чына^[2]) — вёска ў Фаніпальскім сельсавеце Койданаўскага раёну Менскай вобласьці. Знаходзіцца за 24 км ад Койданава, 25 км ад Менску, 8 км ад чыгуначнай станцыі Фаніпаль, 4 км ад шашы Менск — Берасьце.

Грычын
трансьліт. Hryčyn[a]
Краіна:	Беларусь
Вобласьць:	Менская
Раён:	Койданаўскі
Сельсавет:	Фаніпальскі
Вышыня:	213 м н. у. м.
Насельніцтва:	557 чал. (2010)
Часавы пас:	UTC+3
Тэлефонны код:	+375 1716
Паштовы індэкс:	222724
Нумарны знак:	5
Геаграфічныя каардынаты:	53°43′55″ пн. ш. 27°22′53″ у. д.
Грычын на мапе Беларусі ± Грычын Грычын
Галерэя здымкаў у Вікісховішчы

Гісторыя

Вядомая з XVII стагодзьдзя. У 1620 г. у складзе маёнтку Койданава. У 1656 г. адбыліся антыфэадальныя выступленьні сялян. У 1803 г. у Самахвалавіцкай воласьці Менскага павету. У 1834 г. 228 жыхароў. У 1845 г. 58 двароў, 355 жыхароў. Сяляне мелі 48 коней, 126 валоў, 69 кароў, 209 авечак, 151 сьвіньню, 27 цялят, 80 вульлёў. У 1886 г. 49 двароў, 414 жыхароў, школа. У пачатку XX ст. у Самахвалавіцкай воласьці Менскага павету, 101 двор, 576 жыхароў, побач засьценак Грычын, 12 двароў, 72 жыхары. Помнікі: на магіле невядомага салдата, які загінуў у 1919 г., на брацкай магіле савецкіх воінаў, якія загінулі ў ІІ-ю Усясьветную вайну, 65 землякам, што загінулі ў барацьбе зь нямецкімі захопнікамі, на магіле ваеннапалонных.

Насельніцтва

• 1999 год — 487 жыхароў
• 1 студзеня 2004 году — 135 двароў, 436 жыхароў
• 2010 год — 557 жыхароў

Заўвагі

1. Паводле афіцыйнай назвы — Hryčyna.