Гудагай

Гудага́й^[1] — пасёлак у Беларусі, у складзе Гудагайскага сельсавету Астравецкага раёну Гарадзенскай вобласьці. Знаходзіцца за 5 км на паўднёвы захад ад Астраўцу, за 8,5 км ад граніцы зь Летувой. Чыгуначная станцыя на лініі Менск — Вільня.

Гэта артыкул пра пасёлак. Калі вам патрэбны артыкул пра вёску, глядзіце артыкул Гудагай (вёска).

Гудагай
трансьліт. Hudahaj
Краіна:	Беларусь
Вобласьць:	Гарадзенская
Раён:	Астравецкі
Сельсавет:	Гудагайскі
Вышыня:	169 м н. у. м.
Насельніцтва:	1009 чал. (2010)
Часавы пас:	UTC+3
Тэлефонны код:	+375 1591
Паштовы індэкс:	231200
СААТА:	4246813066
Нумарны знак:	4
Геаграфічныя каардынаты:	54°35′44.002″ пн. ш. 25°53′30.001″ у. д.
Гудагай на мапе Беларусі ± Гудагай Гудагай
Галерэя здымкаў у Вікісховішчы

Назва

На думку географа В. Жучкевіча тапонім «Гудага́й»^[1] мае балцкае паходжаньне ад асновы «гуд» — беларус^[2].

Гісторыя

Чыгуначная станцыя, 1917 год

Узьнік як паселішча пры чыгуначнай станцыі па пракладаньні ў 1874 годзе Лібава-Роменскай чыгункі, сваю назву атрымаў ад старажытнага мястэчка, што знаходзіцца за 5 км на поўдзень.

У Першую сусьветную вайну ў 1915 годзе Гудагай занялі нямецкія войскі, пазьней паселішча займалі бальшавікі і польскае войска. Згодна з Рыскай мірнай дамовай (1921) Гудагай апынуўся ў складзе міжваеннай Польскай Рэспублікі, з 1931 году ў Палянскай гміне Ашмянскага павету Віленскага ваяводзтва.

У 1939 годзе Гудагай увайшоў у БССР, дзе ў 1940 годзе стаў цэнтрам сельсавету Астравецкага раёну. У Другую сусьветную вайну з чэрвеня 1941 да ліпеня 1944 году вёска знаходзілася пад нямецкай акупацыяй. У 1962—1965 гадах Гудагай уваходзіў у склад Ашмянскага раёну. Да 24 траўня 2013 году — цэнтар Гудагайскага сельсавету. 24 траўня 2013 году цэнтар сельсавету перанесены ў вёску Палушы^[3].

Насельніцтва

Дэмаграфія

• XX стагодзьдзе: 1971 год — 1077 чал.; 1995 год — 975 чал.^[4]; 1997 год — 987 чал.^[5]; 1999 год — 999 чал.
• XXI стагодзьдзе: 2010 год — 1009 чал.

Інфраструктура

У Гудагаі працуюць сярэдняя школа, дашкольная ўстанова, бібліятэка, дом культуры.