Дабраўляны (Івейскі раён)

Дабраўля́ны^[1] — вёска ў Суботніцкім сельсавеце Івейскага раёну Гарадзенскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дабраўляны.

Дабраўляны лац. Dabraŭlany
Краіна:	Беларусь
Вобласьць:	Гарадзенская
Раён:	Івейскі
Сельсавет:	Суботніцкі
Насельніцтва:	55 чал. (2009)
Часавы пас:	UTC+3
Тэлефонны код:
Паштовы індэкс:	231341
СААТА:	4229843041
Нумарны знак:	4
Геаграфічныя каардынаты:	54°5′58″ пн. ш. 25°47′28″ у. д.
Дабраўляны на мапе Беларусі ± Дабраўляны Дабраўляны

Гісторыя

У XVIII стагодзьдзі вёска Ашмянскага павету Віленскага ваяводзтва. У 1735 г. згадваецца ў складзе Суботніцкай парафіі, уласнасьць Радзівілаў.

У XIX — пачатку XX стагодзьдзя вёска ў Суботніцкай воласьці Ашмянскага павету Віленскай губэрні. У сярэдзіне XIX ст. адносілася да маёнтка Жамыслаўль, уласнасьць Умястоўскіх, 84 рэвіскія душы. У 1897 г. 42 двары, 257 жыхароў, у 1909 г. 52 двары, 335 жыхароў, 347 дзесяцін зямлі.

У 1921-1939 гг. у Суботніцкай гміне Валожынскага, з 1926 г. Лідзкага паветаў Наваградзкага ваяводзтва Польшчы. У 1921 г. 50 двароў, 226 жыхароў.

3 12.10.1940 г. вёска (83 двары, 415 жыхароў) у Суботніцкім сельсавеце Івейскага раёну. У 1952 г. арганізаваны калгас «Расьсьвет», з 1954 г. у калгасе імя М.І.Калініна, з 1960 г. у саўгасе «Жамыслаўль». У 1970 г. 221 жыхар. Пасьля ў складзе калгаса «Жамыслаўль». У 1999 г. 46 двароў, 99 жыхароў.

Насельніцтва

• 2009 год — 55 чалавек^[2]
• 1999 год — 99 чалавек, 46 двароў