Дабрынь (Гомельская вобласьць)

Дабры́нь^[1] — вёска ў Ельскім раёне Гомельскай вобласьці Беларусі, на мэліярацыйным канале, злучаным з вадасховішчам. Цэнтар сельсавету. Насельніцтва 688 чал. (2004). Знаходзіцца за 5 км на паўднёвы захад ад места і чыгуначнай станцыі Ельск (лінія Каленкавічы — Оўруч), за 182 км ад Гомелю; на аўтамабільнай дарозе Нароўля — Ельск.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дабрынь.

Дабрынь
Вобласьць:	Гомельская
Раён:	Ельскі
Сельсавет:	Дабрынскі
Насельніцтва:	688 (2004)
Геаграфічныя каардынаты:	51°46′5″ пн. ш. 29°11′50″ у. д.
Дабрынь на мапе Беларусі Дабрынь

Гісторыя

Упершыню Дабрынь (Дабрыня) згадваецца ў XVIII ст. як сяло Мазырскага павету Менскага ваяводзтва.

У выніку другога падзелу Рэчы Паспалітай (1793) Дабрынь апынулася ў складзе Расейскай імпэрыі, у Мазырскім павеце Менскай губэрні. Паводле вынікаў перапісу (1897) тут працавалі школа граматы і крама. У 1910 у вёсцы адкрылася школа.

Насельніцтва

• XVIII стагодзьдзе: 1795 — 11 двароў
• XIX стагодзьдзе: 1816 — 128 жыхароў; 1897 — 78 двароў, 402 жыхары (паводле перапісу)
• XX стагодзьдзе: 1917 — 613 жыхароў у вёсцы, 121 жыхар у фальварку; 1924 — 156 двароў, 647 жыхароў; 1959 — 869 жыхароў (паводле перапісу)
• XXI стагодзьдзе: 2004 — 273 гаспадаркі, 688 жыхароў^[2]