Дзьмітры Асьнін

Дзьмітры Асьнін (нар. 6 ліпеня 1984 году) — колішні беларускі футбаліст, брамнік.

Дзьмітры Асьнін
Пэрсанальная інфармацыя
Нарадзіўся	6 ліпеня 1984(1984-07-06)[1] (41 год) Берасьце, БССР, СССР
Рост	195 см
Вага	86 кг
Пазыцыя	брамнік
Клюбы
Гады	Клюб	Гульні (галы)¹
2002	Дынама Берасьце	0 (0)
2003—2004	Камунальнік[d]	24 (0)
2005	Дарыда	1 (0)
2005—2006	Камунальнік[d]	10 (0)
2007	Славія Мазыр	23 (0)
2008	Крэсовія Семятычы[d]
2008	Камунальнік[d]	6 (0)
2009	Погань Седльцы[d]	8 (0)
2009—2010	Сталь Рэшаў[d]	5 (0)
2010—2011	Ожал Вяжбіца[d]
2011	Баранавічы	8 (0)
2012—2014	Ліда	53 (0)
2015	Хімік	15 (0)
2016	Дынама Берасьце	26 (0)
2017	Нафтан	13 (0)
2017	Гомель	3 (0)
2018	Ты-Сі Спортс[d]
2018	Свайрыенг[d]
2019	Рух Берасьце	0 (0)

Кар’ера

Выхаванец берасьцейскай СДЮШАР-5. У 2001 годзе выступаў у Другой лізе за менскі СКАФ, а ў сэзоне 2002 году гуляў у дублі берасьцейскага «Дынама». З 2003 па 2008 гады зь перапынкамі быў гульцом слонімскага «Камунальніка», у першай палове 2005 году, будучы футбалістам «Дарыды», дэбютаваў у Найвышэйшай лізе. У 2008—2011 гадах выступаў у ніжэйшых дывізіёнах Польшчы. Улетку 2011 году вярнуўся ў Беларусь, але ня здолеў выратаваць «Баранавічы» ад вылету ў Другую лігу. У пачатку 2012 году ўзмоцніў склад «Ліды», якая вярнулася ў Першую лігу. Стаў асноўным брамнікам лідчанаў і ў сэзоне 2013 году дапамог ім заняць чацьвертае месца, аднак на наступны год быў выцесьнены з складу Сяргеем Курганскім. Сэзон 2015 году правёў у якасьці асноўнага брамніка шацілавіцкага «Хіміка».

У пачатку 2016 году перайшоў у берасьцейскае «Дынама»^[2]. У выніку пачаў сэзон у складзе роднага клюбу. Спачатку быў другім брамнікам пасьля Дзяніса Дзячко, але хутка заняў месца ў стартавым складзе берасьцейцаў. У студзені 2017 году пакінуў «Дынама»^[3] У студзені 2017 году падпісаў кантракт з наваполацкім «Нафтанам»^[4], дзе таксама замацаваўся ў якасьці галоўнага брамніка.

У ліпені 2017 году перайшоў у «Гомель»^[5]. У гомельскім клюбе стаў другім брамнікам пасьля Алега Кавалёва. У сьнежні 2017 году па заканчэньні кантракта пакінуў «Гомель»^[6]. У студзені 2018 году падпісаў кантракт з мальдыўскім клюбам «Ты-Сі Спортс»^[7]. У ліпені 2018 году перайшоў у камбаджыйскі клюб «Свайрыенг»^[8]. У сьнежні 2018 году падпісаў кантракт зь берасьцейскім «Рухам»^[9]. Аднак, у складзе «Руха» не згуляў аніводнага матчу, і ў лістападзе 2019 году перайшоў на трэнэрскую працу ў акадэмію берасьцейскага «Дынама».

У якасьці трэнэра

У пачатку 2021 году разам з акадэміяй «Дынама» перайшоў у склад «Руха», дзе працягваў працаваць трэнэрам брамнікаў. З 2022 году быў старэйшым трэнэрам брамнікаў у берасьцейскім «Цэнтры разьвіцьця футболу», які паўстаў на месцы акадэміі «Руха», што спыніў існаваньне. У красавіку 2023 году стаў трэнэрам брамнікаў пінскай «Хвалі»^[10].

Статыстыка

Клюб	Сэзон	Чэмпіянат
		Дывізіён	Матчы	Галы
Дынама Берасьце	2016	Найвышэйшая ліга	26	–28
Нафтан	2017	Найвышэйшая ліга	13	–21
Гомель			3	–4