Дзьмітры Клімовіч

Дзьмітры Клімовіч (нар. 9 студзеня 1984 году) — колішні беларускі футбаліст, абаронца.

Дзьмітры Клімовіч
Пэрсанальная інфармацыя
Нарадзіўся	9 лютага 1984(1984-02-09)[1] (41 год) Менск, БССР, СССР
Рост	181 см
Вага	78 кг
Пазыцыя	абаронца
Клюбы
Гады	Клюб	Гульні (галы)¹
2002—2003	БАТЭ	10 (0)
2004	Тарпэда-БелАЗ	3 (2)
2005—2006	БАТЭ	15 (0)
2007—2009	Тарпэда-БелАЗ	76 (6)
2010—2011	Менск	52 (3)
2012	Гомель	28 (0)
2013	Белшына	24 (0)
2014	Зымбру	18 (1)
2015—2016	Мікашэвічы	38 (4)
2016—2017	Крумкачы	28 (2)
2017—2018	Тарпэда-БелАЗ	37 (0)
2019—2020	Менск	34 (1)
2021	Арсэнал Койданаў	11 (0)
Зборныя
2002	Беларусь (да 21)	2 (0)

Кар’ера

Пачаў кар’еру ў барысаўскім БАТЭ. У 2007 годзе трапіў у жодзінскае «Тарпэда», дзе стаў гульцом асноўнага складу. У 2010 годзе перайшоў у «Менск». У лютым 2012 году падпісаў кантракт з «Гомлем», быў там асноўным левым абаронцам. У студзені 2013 году падпісаў кантракт зь «Белшынай»^[2]. У лютым 2014 году падпісаў кантракт на адзін год з малдаўскім клюбам «Зымбру»^[3]. Разам з клюбам здабыў Кубак і Супэркубак Малдовы. У сьнежні 2014 году пакінуў малдаўскі клюб^[4].

У лютым 2015 году падпісаў кантракт зь мікашэвіцкім «Гранітам»^[5], які паводле вынікаў сэзону 2014 году вярнуўся ў Найвышэйшую лігу^[6]. У складзе «Граніта» быў асноўным левым абаронцам. У ліпені 2016 году перайшоў у клюб «Крумкачы», зь якім падпісаў кантракт да канца сэзону^[7], дзе стаў гуляць у цэнтры абароны. У студзені 2017 году на год падоўжыў кантракт з «Крумкачамі»^[8]. У першай палове 2017 году заставаўся трывалым гульцом асноўнага складу. У ліпені 2017 году паводле пагадненьня бакоў скасаваў кантракт з сталічнікамі^[9].

У жніўні 2017 году перайшоў у «Тарпэда-БелАЗ»^[10]. Хутка замацаваўся ў цэнтры абароны жодзінцаў, толькі ў кастрычніку 2017 году не гуляў праз пашкоджаньне. У сэзоне 2018 году стаў капітанам каманды ды заставаўся трывалым гульцом пачатковага складу. У студзені 2019 году па заканчэньні кантракту пакінуў жодзінскі клюб^[11]. У лютым 2019 году падпісаў кантракт з клюбам «Менск»^[12]. У сэзоне 2019 году быў трывалым гульцом першай адзінаццатцы, але прапусьціў пачатак сэзону 2020 году. Зь верасня 2020 году зноў пачаў трывала выходзіць на поле. У студзені 2021 году па заканчэньні кантракту пакінуў «Менск»^[13]. У лютым 2021 году далучыўся да койданаўскага «Арсэналу» і неўзабаве афіцыйна стаў гульцом клюбу^[14]. У ліпені 2021 году пакінуў койданаўскую каманду^[15].

Дасягненьні

• Уладальнік Кубка Малдовы: 2014^[16]
• Уладальнік Супэркубка Малдовы: 2014^[17]

Статыстыка

Клюб	Сэзон	Чэмпіянат
		Дывізіён	Матчы	Галы
Граніт	2015	Найвышэйшая ліга	23	2
	2016	Найвышэйшая ліга	15	2
Крумкачы			13	1
	2017	Найвышэйшая ліга	15	1
Тарпэда-БелАЗ			10	0
	2018	Найвышэйшая ліга	26	0

Асабістае жыцьцё

Жонка — Яўгенія Клімовіч^[18].