Дзяманты

Дзя́манты^[1] — вёска ў Беларусі, каля ракі Гаўі. Уваходзяць у склад Івейскага сельсавету Івейскага раёну Гарадзенскай вобласьці.

Дзяманты лац. Dziamanty
Краіна:	Беларусь
Вобласьць:	Гарадзенская
Раён:	Івейскі
Сельсавет:	Івейскі
Насельніцтва:	11 чал. (2009)
Часавы пас:	UTC+3
Тэлефонны код:
Паштовы індэкс:	231342
СААТА:	4229813046
Нумарны знак:	4
Геаграфічныя каардынаты:	53°54′51″ пн. ш. 25°38′59″ у. д.
Дзяманты на мапе Беларусі ± Дзяманты Дзяманты

Назва

Асноўны артыкул: Даўмонт (імя)

Дамунд або Дамонд (Damundus, Damondus) — імя германскага паходжаньня^[2].

Гісторыя

На пачатку XVII ст. вёска маёнтку Іўе ў Івейскай воласьці Ашмянскага павету Віленскага ваяводзтва. У 1634 г. 20 аселых гаспадарак, больш за 8 валок зямлі. Уласнасьць Кішкаў. У 2-й палове XVIII ст. вёска маёнтка Гаўя.

У XIX — пачатку XX ст. у Івейскай воласьці Ашмянскага павету Віленскай губэрні. У 1861 г. 91 рэвіская душа, вёска адносілася да маёнтка Багмаполь памешчыка А.Брахоцкага. У 1897 г. 55 двароў, 376 жыхароў. У 1909 г. 66 двароў, 298 жыхароў, 346 дзесяцін зямлі.

У 1921-1939 гг. у Івейскай гміне Валожынскага, з 1926 г. Лідзкага паветаў Наваградзкага ваяводзтва Польшчы. У 1921 г. 54 двары, 261 жыхар.

3 12.10.1940 г. вёска (76 двароў, 301 жыхар) у Івейскім сельсавеце Івейскага раёну. У лютым 1952 г. арганізаваны калгас «Герой працы», з сакавіка 1953 г. у калгасе «Шлях Леніна». 3 1954 г. у Лукашынскім, з 1959 г. у Івейскім сельсаветах. Пасьля ў складзе калгасу «Іўе».

Насельніцтва

• 1970 год — 143 чалавекі
• 1999 год — 24 чалавекі, 12 двароў
• 2009 год — 11 чалавек^[3]