Забалоччына

Забало́ччына (па-польску: Zabłotczyzna, на мясцовай беларускай гаворцы: Заблоччы́на^[2]) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Нараўка.

Забалоччына
польск. Zabłotczyzna
Першыя згадкі:	1777
Мясцовая назва:	Заблоччына
Краіна:	Польшча
Ваяводзтва:	Падляскае
Павет:	Гайнаўскі
Гміна:	Нараўка
Насельніцтва:	82 чал. (31 сакавіка 2021)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-220
Нумарны знак:	BHA
Геаграфічныя каардынаты:	52°48′0″ пн. ш. 23°48′0″ у. д.
Забалоччына на мапе Польшчы Забалоччына
Галерэя здымкаў у Вікісховішчы

Вёска мяжуе зь Лядзкай пушчай. Побач зь вёскай знаходзяцца каталіцкія могілкі парафіі Нараўка.

Насельніцтва

Жыхары вёскі ў большасьці этнічныя беларусы, праваслаўныя (прыход Нараўка^[3]). Каталіцкая частка насельніцтва (парафія Нараўка^[4]) па этнічных ідэнтыфікацыях — польская.

Гісторыя

Вёска заснаваная як цэнтар касьцельнага фальварку ў 1777 годзе. Яе арандатарамі былі сем’і Вянгерскіх, Бенкінаў ды Карчэўскіх. У 1844 годзе Забалоччына перайшла ў царскую казну, выдзяляліся тут жаўнерскія агароды для быўшых жаўнераў царскай арміі. У міжваенны пэрыяд Забалоччына прыналежала да гміны Масева (першапачаткова Белавескага, а пасьля 1922 году Бельскага павету Беластоцкага ваяводзтва). Паводле польскага перапісу насельніцтва 1921 г. пражывалі тут 117 жыхароў (105 беларусаў, 11 палякаў ды 1 іншай нацыянальнасьці)^[5]. 31 ліпеня 1941 году вёска была зьнішчаная немцамі, а жыхары выгнаныя. 5 жніўня 1941 году ў лесе побач зь вёскай немцы расстралялі каля 500 нараўкоўскіх габрэяў^[6]. Адбудова Забалоччыны пачалася ўжо ў 1944 годзе^[7].