Залюцічы

Залю́цічы^[2] (таксама — Старыя Залю́цічы^[3]) — вёска ў Жыткавіцкім раёне Гомельскай вобласьці, на правым беразе ракі Случы, за 5 км на поўдзень ад Мілевічаў. Залюцічы ўваходзяць у склад Мілевіцкага сельсавету.

Залюцічы
трансьліт. Zaliucičy
Першыя згадкі:	XIX стагодзьдзе
Краіна:	Беларусь
Вобласьць:	Гомельская
Раён:	Жыткавіцкі
Сельсавет:	Мілевіцкі
Вышыня:	147 м н. у. м.
Насельніцтва:	72 чал. (2018)[1]
Часавы пас:	UTC+3
Тэлефонны код:	+375 2353
Паштовы індэкс:	247977
СААТА:	3216824016
Нумарны знак:	3
Геаграфічныя каардынаты:	52°24′21″ пн. ш. 27°32′13″ у. д.
Залюцічы на мапе Беларусі ± Залюцічы Залюцічы

Гісторыя

Паводле пісьмовых крыніцаў вядомая з XIX стагодзьдзя як вёска ў Ленінскай воласьці Мазырскага павету Менскай губэрні Расейскай імпэрыі^[4].

З 12 кастрычніка 1940 году ўваходзіць у склад Мілевіцкага сельсавету Ленінскага (з 20 студзеня 1960 году — Старобінскага, з 11 красавіка 1960 году — Жыткавіцкага) раёну Пінскай (з 8 студзеня 1954 году — Берасьцейскай, з 20 студзеня 1960 году — Менскай, з 11 красавіка 1960 году — Гомельскай) вобласьці^[5].

Насельніцтва

• XIX стагодзьдзе: 5 траўня 1896 году — 48 двароў, 377 жыхароў (197 жанчын, 180 мужчынаў)
• XX стагодзьдзе: 1908 год — вёска: 414 жыхароў; 1994 год — вёска: 93 двары, 198 жыхароў; 1999 год — 150 жыхароў
• XXI стагодзьдзе: 2004 год — 126 жыхароў, 71 двор^[4]; 2009 год — 86 жыхароў^[6]; 2018 год — 72 жыхары, 44 двары^[1]

Геаграфія

У навакольлях вёскі працякае рэчка Млінавіца.

Помнікі

За пяць кілямэтраў ад вёскі ва ўрочышчы Падкрыльле ўзвышаецца пяцімэтровы абэліск: «Тут пахаваны 245 грамадзян вёсак Залюцічы і Іёвічы, зьверскі расстраляных нямецкімі захопнікамі ў лютым 1943 году. Няхай гэты помнік заўсёды будзе сымбалям барацьбы супраць ненавіснага фашызму». Помнік узьведзены на месцы трагедыі вясной 1970 году.

Вуліцы

Маякоўскага, Мэліярацыйная, Новая.