Зані

За́ні^[1] — вёска ў Мядзельскім раёне Менскай вобласьці Беларусі. Уваходзіць у склад Слабадзкога сельсавету.

Зані
трансьліт. Zani
Краіна:	Беларусь
Вобласьць:	Менская
Раён:	Мядзельскі
Сельсавет:	Слабадзкі
Насельніцтва:	59 чал. (2009)
Часавы пас:	UTC+3
Тэлефонны код:	+375 1797
Паштовы індэкс:	222393
СААТА:	6240845028
Нумарны знак:	5
Геаграфічныя каардынаты:	54°53′12″ пн. ш. 27°5′21″ у. д.
Зані на мапе Беларусі ± Зані Зані

Гісторыя

Падчас знаходжаньня беларускіх земляў у складзе Расейскай імпэрыі вёска ўваходзіла ў склад Вілейскага павету Віленскай губэрні.

Пад час Першай сусьветнай вайны лінія фронту праходзіла за 25 км на захад ад вёскі, каля паўночна-заходняга краю возера Нарач. З 1 студзеня 1919 году — у складзе БССР.

З 7 лістапада 1920 году вёска была ўключана ў склад гміны Мядзел новаўтворанага Дунілавіцкага павету пад Кіраўніцтвам прыфрантавых і этапных тэрыторый^[2]. З 19 лютага 1921 году ў складзе гміны Мядзел Дунілавіцкага павету Віленскае ваяводзтва Польскай Рэспублікі. З 1926 па 1939 гады — у складзе гміны Мядзел Пастаўскага павету Віленскага ваяводзтва.

У верасьні 1939 году занятая савецкімі войскамі ў выніку Паходу Чырвонай Арміі ў Заходнюю Беларусь і Заходнюю Ўкраіну. З 12 лістапада 1939 году, пасьля прыняцьця на пазачарговай III сэсіі Вярхоўнага Савету БССР Закону БССР «Аб уключэньнi Заходняй Беларусi ў склад СССР i ўзьяднаньнi яе з БССР», у складзе БССР (з 4 сьнежня 1939 году ў Вялейскай вобласьці). З 15 студзеня 1940 году ў сувязі са скасаваньнем Пастаўскага павету — у складзе Мядзельскага раёну Вялейскай вобласьці БССР. З 20 верасьня 1944 году ў складзе Мядзельскага раёну Маладэчанскай вобласьці, з 20 студзеня 1960 году — Менскай вобласьці.

Да 28 траўня 2013 году вёска ўваходзіла ў склад Старагабскага сельсавету^[3].

Насельніцтва

• 1921 год — 179 жыхароў, 38 двароў^[4]
• 1960 год — 208 жыхароў, 42 двары
• 1997 год — 175 жыхароў, 64 двары
• 2009 год — 59 чалавек^[5]

Асобы

• Ігар Жук (1957—2017) — беларускі літаратуразнавец, літаратурны крытык і гісторык літаратуры