Кавалікі (Берасьцейская вобласьць)

Кава́лікі^[2] — вёска ў Камянецкім раёне Берасьцейскай вобласьці, за 40 км на захад ад Камянцу, за 35 км на паўночны захад ад Берасьця і за 4 км на паўднёвы захад ад чыгуначнай станцыі Высока-Літоўск на лініі Берасьце — Беласток. На ўсходзе мяжуе з г. Высокае. Уваходзіць у Агародніцкі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Кавалікі.

Кавалікі
трансьліт. Kavaliki
Першыя згадкі:	19 стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Агародніцкі
Насельніцтва:	127 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225080[1]
СААТА:	1240848031
Нумарны знак:	1
Геаграфічныя каардынаты:	52°22′3″ пн. ш. 23°20′47″ у. д.
Кавалікі на мапе Беларусі ± Кавалікі Кавалікі
Галерэя здымкаў у Вікісховішчы

Гісторыя

• у сярэдзіне XIX ст.: вёска ў Берасьцейскім павеце Гарадзенскай губэрні, уладаньне князя К. Сапегі. Адносілася да маёнтку Высока-Літоўск.
• 1845: 25 двароў, 174 наяўныя сялянскія душы.
• 1857: 160 рэвіскіх душ, у складзе маёнтку Высока-Літоўск ва ўласнасьці Патоцкіх.
• у канцы XIX ст.: вёска ў Высока-Літоўскай воласьці Берасьцейскага павету Гарадзенскай губэрні. Адносілася да Кавалікоўскай сельскай грамады, мелася 428 дзесяцінаў зямлі.
• 1897: 61 двор, 379 жыхароў; дзейнічалі хлеба-запасная крама, піцейны дом.
• 1905: 406 жыхароў.
• 1921: у складзе Высока-Літоўскай гміны Берасьцейскага павету Палескага ваяводзтва міжваеннай Польшчы.
• 1923: 58 двароў, 268 жыхароў. Дзейнічала падпольная ячэйка КПЗБ (кіраўнік У. Л. Будзько).
• 1939: у складзе Берасьцейскай вобласьці БССР.
• 1940: у складзе Агародніцкага сельсавету Высокаўскага раёну Берасьцейскай вобласьці, 89 двароў, 458 жыхароў.
• 1960: 385 жыхароў.
• 1962: у Камянецкім раёне.
• 1970: 327 жыхароў.

Насельніцтва

• 1999 год — 148 жыхароў
• 2005 год — 122 жыхары, 63 двары^[3]
• 2010 год — 127 жыхароў