Канстанцінава (Слабадзкі сельсавет)

Канстанці́нава^[1] — вёска ў Мядзельскім раёне Менскай вобласьці Беларусі. Уваходзіць у склад Слабадзкога сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Канстанцінава (неадназначнасьць).

Канстанцінава
трансьліт. Kanstancinava
Краіна:	Беларусь
Вобласьць:	Менская
Раён:	Мядзельскі
Сельсавет:	Слабадзкі
Насельніцтва:	100 чал. (2009)
Часавы пас:	UTC+3
Тэлефонны код:	+375 1797
Паштовы індэкс:	222392
СААТА:	6240845041
Нумарны знак:	5
Геаграфічныя каардынаты:	54°59′12.98″ пн. ш. 27°10′5.02″ у. д.
Канстанцінава на мапе Беларусі ± Канстанцінава Канстанцінава

Гісторыя

У 1904 годзе на месцы вёскі быў засьценак Жосьнянскай воласьці Вялейскага павету Віленскай губэрні, 80 жыхароў. Тут была школа граматы, у якой у 1896/97 навучальным годзе вучыліся 7 хлопчыкаў.

У 1921 годзе вёска гміны Жосна Дунілавіцкага (з 1925 году Пастаўскага) павету Віленскага ваяводзтва, 19 двароў, 104 жыхары. У 1931 годзе ― 24 двары, 104 жыхары.

З 12 кастрычніка 1940 году вёска ў Слабадскім сельсавеце Мядзельскага раёну Вялейскай, з 20 верасьня 1944 году Маладэчанскай, з 20 студзеня 1960 году Менскай абласьцей. У 1940 годзе ў вёсцы 32 двары, 155 жыхароў. У студзені-ліпені 1944 года ў вёсцы размяшчаўся штаб партызанскай брыгады імя К. К. Ракасоўскага. Жыхары вёскі, браты А. В. і Ф. В. Валасевіч рамантавалі зброю партызан, рабілі памятныя мэдалі для партызан, якія вызначыліся ў баях.

У 1949 годзе ў вёсцы арганізаваны калгас імя Молатава. З 9 красавіка 1954 года вёска — цэнтар калгасу «1 Мая».

Насельніцтва

• 1921 год — 19 двароў, 104 жыхары^[2]
• 1938 год — 24 двары, 104 жыхары^[3]
• 1960 год — 125 жыхароў
• 1997 год — 80 двароў, 198 жыхароў
• 2009 год — 100 чалавек^[4]