Каралін (Пружанскі раён)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Каралін, Сонечны.

Каралін
трансьліт. Karalin[a]
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Пружанскі
Вышыня:	167 м н. у. м.
Насельніцтва:	395 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225134[1]
СААТА:	1256848086
Нумарны знак:	1
Геаграфічныя каардынаты:	52°34′11″ пн. ш. 24°25′2″ у. д.
Каралін на мапе Беларусі ± Каралін Каралін

Каралі́н^[2][3] (з 1969 году — Со́нечны^[4]) — пасёлак у Пружанскім раёне Берасьцейскай вобласьці. Уваходзіць у склад Пружанскага сельсавету. Знаходзіцца за 1 км на поўнач ад Пружанаў, 13 км ад чыгуначнай станцыі Аранчыцы на лініі Баранавічы — Берасьце.

Мінуўшчына

За расейскім часам на месцы пасёлку існаваў фальварак Каралін з маёнтку Шыдлоўшчына ў складзе Дабучынскай воласьці Пружанскага павету Гарадзенскай губэрні^[5]. На пачатку XX стагодзьдзя 13 жыхароў.

За польскім часам — фальварак Каралін у складзе гміны Дабучын Пружанскага павету Палескага ваяводзтва^[6].

Зь верасьня 1939 року ў складзе БССР, з 15 студзеня 1940 вёска ў складзе Пружанскага раёну Берасьцейскай вобласьці. З 1969 пасёлак называецца Сонечны.

Насельніцтва

• XX стагодзьдзе: 1970 год — 247 жыхароў (перапіс); 1999 год — 511 жыхароў
• XXI стагодзьдзе: 2005 год — 495 жыхароў, 186 двароў^[7]; 2010 год — 395 жыхароў

Інфраструктура

Дзіцячы прытулак.

Прамысловасьць

ААТ «Пружанскі райаграсэрвіс».

Транспарт

Аўтамабільная дарога Н524 Пружаны — Клепачы — Котра^[8].

Заўвагі

1. Паводле афіцыйнай назвы — Soniečny.