Каспэр Дольбэрг

Ка́спэр До́льбэрг (па-дацку: Kasper Dolberg‎; нар. 6 кастрычніка 1997 году) — дацкі футбаліст, нападнік бэльгійскага клюбу «Андэрлехт» і нацыянальнай зборнай Даніі.

Каспэр Дольбэрг
Пэрсанальная інфармацыя
Нарадзіўся	6 кастрычніка 1997(1997-10-06)[1][2] (27 гадоў) Сылькебарг, Оргус[d], Данія
Рост	186 см
Вага	82 кг
Пазыцыя	нападнік
Клюбная інфармацыя
Клюб	Андэрлехт
Нумар	12
Клюбы
Гады	Клюб	Гульні (галы)¹
2015	Сылькеборг	3 (0)
2015—2019	Аякс	78 (33)
2019—2023	Ніцца	74 (23)
2022	→ Сэвільля	4 (0)
2023	→ Гофэнгайм	13 (1)
2023—4	Андэрлехт	70 (33)
Зборныя
2013—2014	Данія (да 17)[d]	8 (5)
2015	Данія (да 19)[d]	8 (2)
2016	Данія (да 21)[d]	1 (1)
2016—4	Данія	55 (12)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 25 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 10 чэрвеня 2025.

Кар’ера

Клюбная

Пачынаў кар’еру ў клюбу «Сылькебарг», дзе задэбютаваў 17 траўня 2015 году ў матчы супраць «Брэнбю».

На трэнаваньні «Аякса».

5 студзеня 2015 году «Аякс» абвесьціў, што ўлетку 17-гадовы Дольбэрг пяройдзе ў клюб, падпісаўшы трохгадовы кантракт зь лета 2015 году па лета 2018 году^[3]. Гулец быў заўважаны дацкім скаўтам Ёнам Стээнам Ольсэнам, тым самым скаўтам, які некалі выявіў таленты такіх гульцоў, як то Златан Ібрагімавіч, Віктар Фішэр і Крыстыян Эрыксэн^[4]. 13 траўня 2016 году Дольбэрг пагадзіўся падоўжыць кантракт да 2021 году^[5]. 7 жніўня 2016 году дацкі футбаліст дэбютаваў у Эрэдывізіі ў матчы супраць «Спарты». Праз тыдзень ён зьявіўся ў першай адзінаццатцы ў матчы супраць «Роды», у якіх адзначыўся двума галамі. У кастрычніку ён правёў свой першы гол у матчы супраць «Фэеноорду», а празь месяц зрабіў хет-трык у матчы супраць НЭК^[6].

У жніўні 2019 году Дольбэрг далучыўся да францускай «Ніццы» зь Лігі 1 за 20,5 мільёны эўра^[7]. У свой першы сэзон на новым месцы нападнік улучыў 11 галоў у брамы супернікаў, дзякуючы чаму быў названы заўзятарамі найлепшым футбалістам клюбу. Далей футбаліст не даваў рады, таму два гады запар правёў у арэндзе ў «Сэвільлі» і «Гофэнгайму». У ліпені 2023 году прыяднаўся да бэльгійскага «Андэрлехту», дзе зноў займеў неблагія галявыя паказьнікі.

Міжнародная

У лістападзе 2016 года Дольбэрг атрымаў свой першы выклік у зборную Даніі на матчы супраць зборных Казахстану і Чэхіі^[8]. 11 лістапада 2016 году гулец дэбютаваў у нацыянальнай зборнай, зьявіўшыся на замену ў другім тайме ў пераможным матчы зборнай Даніі супраць зборнай Казахстану, які скончыўся зь лікам 4:1^[9].

Дасягеньні

«Аякс»:

• Чэмпіён Нідэрляндаў: 2019
• Уладальнік Кубка Нідэрляндаў: 2019
• Уладальнік Супэркубка Нідэрляндаў: 2019