Красналукі

Красналу́кі^[1] — вёска ў Беларусі, на рацэ Эсе. Цэнтар сельсавету Чашніцкага раёну Віцебскай вобласьці. Насельніцтва на 2010 год — 532 чалавекі. Знаходзіцца за 40 км ад Чашнікаў^[2].

Красналукі лац. Krasnałuki
Краіна:	Беларусь
Вобласьць:	Віцебская
Раён:	Чашніцкі
Сельсавет:	Красналуцкі
Насельніцтва:	532 чал. (2010)
Часавы пас:	UTC+3
Тэлефонны код:	+375 2133
Нумарны знак:	2
Геаграфічныя каардынаты:	54°36′59″ пн. ш. 28°50′5″ у. д.
Красналукі на мапе Беларусі ± Красналукі Красналукі
Галерэя здымкаў у Вікісховішчы

Красналукі — даўняе мястэчка гістарычнай Аршаншчыны (частка Віцебшчыны).

Гісторыя

Вялікае Княства Літоўскае

Праект царквы-мураўёўкі, 1863 г.

Першы пісьмовы ўпамін пра Красналукі датуецца 1633 годам. Паселішча ўваходзіла ў склад Аршанскага павету Віцебскага ваяводзтва і ў розныя часы знаходзілася ў валоданьні Храптовічаў, Прыбораў.

Пад уладай Расейскай імпэрыі

У выніку другога падзелу Рэчы Паспалітай (1793 год) Красналукі апынуліся ў складзе Расейскай імпэрыі, дзе сталі цэнтрам воласьці Барысаўскага павету Менскай губэрні. На 1859 год у мястэчку было 36 двароў^[3].

За часамі Першай сусьветнай вайны у лютым 1918 году Красналукі занялі войскі Нямецкай імпэрыі.

Найноўшы час

25 сакавіка 1918 году згодна з Трэцяй Устаўной граматай Красналукі абвяшчаліся часткай Беларускай Народнай Рэспублікі. Жыхары мястэчка і воласьці атрымалі Пасьведчаньні Народнага Сакратарыяту БНР, накіроўвалі ў Народны Сакратарыят скаргі на дзеяньні нямецкіх войскаў^[4]. 1 студзеня 1919 году згодна з пастановай І зьезду КП(б) Беларусі Красналукі ўвайшлі ў склад Беларускай ССР, аднак 16 студзеня Масква адабрала мястэчка разам зь іншымі этнічна беларускімі тэрыторыямі ў склад РСФСР. У сакавіку 1924 году Красналукі вярнулі БССР, дзе яны сталі цэнтрам сельсавету. Статус паселішча панізілі да вёскі.

На 1940 год у Красналуках было 96 двароў, на 1 студзеня 1996 году — 212.

Насельніцтва

Дэмаграфія

• XIX стагодзьдзе: 1883 год — да 400 чал.^[5]
• XX стагодзьдзе: 1940 год — 592 чал.; 1 студзеня 1996 году — 569 чал.^[6]; 1999 год — 595 чал.
• XXI стагодзьдзе: 1 студзеня 2005 году — 550 чал.; 2010 год — 532 чал.

Інфраструктура

У Красналуках працуюць сярэдняя школа, дашкольная ўстанова, лякарня, бібліятэка, пошта.

Турыстычная інфармацыя

Царква, каля 1900 г.

Славутасьці

• Могілкі юдэйскія

Страчаная спадчына

• Сынагога (XIX ст.)
• Царква Сьвятога Міхала Арханёла (1911; мураўёўка)