Крыстампальле

Крыста́мпальле^[1] (таксама — Крыстампо́льле^[1], Крыстампо́льская Слабо́дка^[2]) — вёска ў Пухавіцкім раёне Менскай вобласьці. Уваходзіць у склад Навапольскага сельсавету. Месьціцца за 43 км на паўночны захад ад Мар’інай Горкі, 45 км ад Менску.

Крыстампальле
трансьліт. Krystampaĺlie[a]
Краіна:	Беларусь
Вобласьць:	Менская
Раён:	Пухавіцкі
Сельсавет:	Навапольскі
Насельніцтва:	51 чал. (2010)
Часавы пас:	UTC+3
Тэлефонны код:	+375 1713
Паштовы індэкс:	222839
СААТА:	6244840044
Нумарны знак:	5
Геаграфічныя каардынаты:	53°32′39.01″ пн. ш. 27°43′13.01″ у. д.
Крыстампальле на мапе Беларусі ± Крыстампальле Крыстампальле
Галерэя здымкаў у Вікісховішчы

Гісторыя

У 1858 годзе вёска Крысьцінполь у Цітвянскай воласьці Ігуменскага павету Менскае губэрні, 80 рывіскіх душ. У 1870 годзе вёска й маёнтак памешчыка Вайсэнгофа ў Дудзінскай воласьці Ігуменскага павету^[2].

Зь лютага па сьнежань 1918 году акупаваная войскамі Нямецкае Імпэрыі, з жніўня 1919 па ліпень 1920 году — войскамі Польшчы. У 1919 годзе ў БССР. У 1930-х гадах створаныя калгасы «Добрая воля» й імя С. М. Будзённага, былі 2 кузьні^[2].

У Другую сусьветную вайну, з канца чэрвеня 1941 да пачатку ліпеня 1944 году акупаваная войскамі нацысцкае Нямеччыны, якія ў сакавіку 1944 году спалілі вёску^[2].

29 чэрвеня 2006 году вёска перададзеная зь ліквідаванага Сяргеевіцкага сельсавету ў склад Праўдзінскага пасялковага сельсавету^[3].

У 2013 годзе на тэрыторыі сельскагаспадарчае філіі «Сяргеевічы» ААТ «Пухавіцкірайаграсэрвіс»^[2].

Да 28 траўня 2013 году ў Праўдзінскім пасялковым савеце. Пасьля скасаваньня Праўдзінскага пасялковага савету ўключаная ў Навапольскі сельсавет^[4].

Насельніцтва

• канец XIX ст.:
  • вёска — 60 двароў, 332 жыхары
  • маёнтак — 11 жыхароў
• 1917 год:
  • вёска — 78 двароў, 400 жыхароў
  • фальварак — 14 жыхароў
• 1940 год — 80 двароў, 437 жыхароў
• 1960 год — 282 жыхары
• 1999 год — 90 жыхароў
• 2010 год — 51 жыхар