Кунейка

Кунейка (Кунек, Кунік), Канейка (Коніка) — мужчынскае імя і вытворнае ад яго прозьвішча.

Kunecke
Паходжаньне
Мова(-ы)	германскія
Утворанае ад	Cuno + суфікс з элемэнтам -к- (-k-)
Іншыя формы
Варыянт(ы)	Кунек, Кунік, Коніка, Канейка
Зьвязаныя артыкулы
якія пачынаюцца з «Кунейка»

Паходжаньне

Асноўны артыкул: Імёны ліцьвінаў

Хуніка або Куніка, пазьней Кунэка або Конэка (Chunico, Kuniko^[1], Kunecke, Konneke^[2], Konike^[3]) — імя германскага паходжаньня^[4]. Іменная аснова -кон- (-кун-) (імёны ліцьвінаў Кондрут, Конрад, Якун; германскія імёны Cundrud, Konrad, Acun) паходзіць ад гоцкага koni- 'адважны'^[5] або германскага kunja, kuni '(хтосьці) з годнага, шляхецкага роду'^[6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Kunke, Kunko, Konko^[7].

У Прусіі бытавала імя Куніка: Kuneco (1364 год)^[8], Kunike (1396 год)^[8].

Германскае імя Conike гістарычна бытавала ў Рызе^[9].

Варыянты імя ў гістарычных крыніцах: nobilibus viris… Rodzywylo Koneykowycz (8 траўня 1496 году)^[10]; cum cmetonibus… Misko Kunikowicz (15 сакавіка 1497 году)^[11]; Kuniek a Sziemion Hrynczewiczy (1558 год)^[12]; Thruchon Kunikowicz (1561—1566 гады)^[13]; Maczko Koniko (1563 год)^[14]; Jakub Kuneyko (1667 год)^[15]; Daniel Kuneyko (1690 год)^[16]; Kazimierz Kuneyko (24 чэрвеня 1695 году)^[17]; p. Kuneyko (1784 год)^[18].

Носьбіты

• Радзівіл Канейкавіч — літоўскі баярын, які ўпамінаецца ў 1496 годзе
• Крыштаф Кунейка — уніят Мытлянскай парафіі, які ўпамінаецца ў 1829^[19]

Кунейкі — літоўскі шляхецкі род, які меў уладаньні на Жамойці.

Канэйка (Konejko) і Каніка (Konika) — прозьвішчы, зафіксаваныя ў XIX стагодзьдзі ў ваколіцах Сувалкаў^[20].