Ляхавічы (Койданаўскі раён)

Ля́хавічы^[1] — вёска ў Койданаўскім раёне Менскай вобласьці. Уваходзяць у склад Станькаўскага сельсавету. Знаходзяцца за 10 км ад Койданава, 48 км ад Менску, 12 км ад чыгуначнай станцыі Койданава.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ляхавічы (неадназначнасьць).

Ляхавічы
трансьліт. Liachavičy
Краіна:	Беларусь
Вобласьць:	Менская
Раён:	Койданаўскі
Сельсавет:	Станькаўскі
Насельніцтва:	168 чал. (2010)
Часавы пас:	UTC+3
Тэлефонны код:	+375 1716
Паштовы індэкс:	222732
СААТА:	6222839075
Нумарны знак:	5
Геаграфічныя каардынаты:	53°37′4″ пн. ш. 27°11′32″ у. д.
Ляхавічы на мапе Беларусі ± Ляхавічы Ляхавічы
Галерэя здымкаў у Вікісховішчы

Гісторыя

Першыя згадкі пра Ляхавічы зьяўляюцца ў XVII стагодзьдзі: у 1620 годзе яны ўваходзілі ў склад маёнтку Койданаў. У 1910 годзе ў вёсцы збудавалі вадзяны млын і тартак для вырабу гонты. З 1924 году Ляхавічы ўвайшлі ў склад Койданаўскага раёну як цэнтар нацыянальнага польскага сельскага савету, з 1932 году — у Койданаўскім нацыянальным польскім раёне, з 29 чэрвеня 1932 году — у Дзяржынскім нацыянальным польскім раёне (23 жніўня 1937 году ўлады СССР рэарганізавалі нацыянальны польскі раён у беларускі), з 31 ліпеня 1937 году — у Менскім раёне, з 4 верасьня 1939 году — у Койданаўскім раёне Менскай вобласьці^[2].

Да 30 кастрычніка 2009 году — цэнтар Ляхавіцкага сельсавету. 30 кастрычніка 2009 году вёска перададзеная зь ліквідаванага Ляхавіцкага ў Станькаўскі сельсавет^[3].

Насельніцтва

• XX стагодзьдзе: 1972 год — 56 двароў, 176 жыхароў; 1999 год — 153 жыхары
• XXI стагодзьдзе: 1 студзеня 2004 году — 56 двароў, 151 жыхар; 2010 год — 168 жыхароў

Славутасьці

Помнікі: на магіле савецкіх воінаў, землякам, якія загінулі ў Вялікую Айчынную вайну.