Мазуры (Гомельская вобласьць)

Мазуры́^[1] — вёска ў Беларусі, на рацэ Мытва. Уваходзяць у склад Млыноцкага сельсавету Ельскага раёну Гомельскай вобласьці. Насельніцтва 6 чал. (2004). Знаходзяцца за 7 км на паўночны ўсход ад места і чыгуначнай станцыі Ельск (лінія Каленкавічы — Оўруч), за 184 км ад Гомелю; на аўтамабільнай дарозе Новая Рудня — Мазыр.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мазуры.

Мазуры
Вобласьць:	Гомельская
Раён:	Ельскі
Сельсавет:	Млыноцкі
Насельніцтва:	6 (2004)
Геаграфічныя каардынаты:	51°51′33″ пн. ш. 29°13′13.7″ у. д.
Мазуры на мапе Беларусі Мазуры

Гісторыя

Упершыню Мазуры згадваюцца ў XVIII ст. як вёска Мазырскага павету Менскага ваяводзтва.

У выніку другога падзелу Рэчы Паспалітай (1793) Мазуры апынуліся ў складзе Расейскай імпэрыі, у Мазырскім павеце Менскай губэрні. У 1834 мясьціна ўваходзіла ў склад маёнтку Міхалкі. Паводле вынікаў перапісу (1897) тут працавала майстэрня апрацоўкі скуры. У 1908 вёска ўваходзіла ў склад Міхалкаўскай воласьці.

Насельніцтва

• XVIII стагодзьдзе: 1795 — 2 двары
• XIX стагодзьдзе: 1834 — 13 жыхароў; 1897 — 13 двароў, 68 жыхароў (паводле перапісу)
• XX стагодзьдзе: 1959 — 59 жыхароў (паводле перапісу)
• XXI стагодзьдзе: 2004 — 5 гаспадарак, 6 жыхароў^[2]