Новая Рудня (Гомельская вобласьць)

Но́вая Ру́дня^[1] — вёска ў Беларусі, на рацэ Славечна. Уваходзіць у склад Дабрынскага сельсавету Ельскага раёну Гомельскай вобласьці. Насельніцтва 129 чал. (2004). Знаходзіцца за 16 км на поўдзень ад Ельску, за 3 км ад чыгуначнай станцыі Славечна (лінія Каленкавічы — Оўруч), за 193 км ад Гомелю, за 0,5 км ад граніцы з Украінай. Аўтамабільная дарога злучае вёску зь Ельскам.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Новая Рудня.

Новая Рудня
Магазiн
Першыя згадкі:	XVIII стагодзьдзе
Краіна:	Беларусь
Вобласьць:	Гомельская
Раён:	Ельскі
Сельсавет:	Дабрынскі
Насельніцтва:	129 чал. (2004)
Часавы пас:	UTC+3
Тэлефонны код:	+375 2354
Паштовы індэкс:	247793
Нумарны знак:	3
Геаграфічныя каардынаты:	51°40′0″ пн. ш. 29°6′0″ у. д.
Новая Рудня на мапе Беларусі ± Новая Рудня Новая Рудня
Галерэя здымкаў у Вікісховішчы

Гісторыя

Упершыню Новая Рудня згадваецца ў XVI ст. як сяло Мазырскага павету Менскага ваяводзтва. Тут працавала рудня, на якой выплаўлялася жалеза.

У выніку другога падзелу Рэчы Паспалітай (1793) Новая Рудня апынулася ў складзе Расейскай імпэрыі, у Мазырскім павеце Менскай губэрні. Мясьціна знаходзілася ў валоданьні Лянкевічаў, у складзе маёнтку Міхалкі. Паводле вынікаў перапісу (1897) у Новай Рудні працавалі школа граматы, крама, вадзяны млын, валюш. У 1908 вёска ўваходзіла ў склад Каролінскай воласьці.

Насельніцтва

• XIX стагодзьдзе: 1816 — 5 двароў; 1834 — 13 двароў, 95 жыхароў; 1897 — 59 двароў, 335 жыхароў (паводле перапісу)
• XX стагодзьдзе: 1908 — 63 двары, 403 жыхары; 1921 — 173 двары; 1959 — 639 жыхароў (паводле перапісу); 1999 — 177 жыхароў
• XXI стагодзьдзе: 2004 — 80 гаспадарак, 129 жыхароў^[2]