Максі Лёпэс

Максіміля́на Гасто́н Лёпэс (па-гішпанску: Maximiliano Gastón López; нар. 3 красавіка 1984 году, Буэнас-Айрэс, Аргентына) — былы аргентынскі футбольны нападнік. Лёпэс мае падвойнае аргентынскае й італьянскае грамадзянства^[4][5].

Максі Лёпэс
Пэрсанальная інфармацыя
Нарадзіўся	3 красавіка 1984(1984-04-03)[1][2][3][…] (41 год) Буэнас-Айрэс, Аргентына
Рост	186 см
Вага	81 кг
Пазыцыя	нападнік
Клюбы
Гады	Клюб	Гульні (галы)¹
2001—2005	Рывэр Плэйт	56 (13)
2005—2007	Барсэлёна	14 (2)
2006—2007	→ Мальёрка	29 (3)
2007—2009	Масква[d]	22 (9)
2009	→ Грэмію	25 (12)
2010—2014	Катанія	78 (23)
2012—2013	→ Сампдорыя	17 (4)
2012	→ Мілян	8 (1)
2014	→ Сампдорыя	11 (1)
2014—2015	К’ева	13 (1)
2015—2017	Тарына	60 (14)
2017—2018	Удынэзэ	28 (2)
2018—2019	Вашку да Гама	38 (11)
2019—2020	Кратонэ	14 (1)
2020—2021	Самбэнэдэтэзэ[d]	23 (3)
Зборныя
2001—2004	Аргентына (да 20)[d]	29 (8)

Кар’ера

Клюбная

Кар’еру пачаў у 1997 у структуры «Рывэр Плэйт». 19 жніўня 2001 году, у 17-гадовым узросьце, дэбютаваў у дарослым клюбе. У ягоным складзе правёў 60 матчаў, забіў каля 20 галоў, станавіўся чэмпіёнам у 2002, 2003 і 2004 роках.

У студзені 2005 Максі Лёпэс перайшоў у гішпанскую «Барсэлёну» за 6,2 мільёну эўра. У сваім дэбютным матчы ў Лізе чэмпіёнаў 23 лютага 2005 ён выйшаў на замену ў другім тайме і праз 4 хвіліны зраўнаў лік у матчы з «Чэлсі»^[6]. Аднак у асноўным складзе клюбу Лёпэс ня здолеў замацавацца, у сэзоне 2006—2007 быў аддадзены ў арэнду ў «Мальёрку», а ўлетку 2007 быў прададзены ў «Маскву» за 2 мільёны эўра^[7].

У расейскім клюбе Максі Лёпэс згуляў 22 матчы і забіў 9 галоў, перш чым 13 лютага 2009 быў аддадзены ў арэнду ў бразыльскі «Грэміё»^[8].

20 студзеня 2010 Лёпэс перайшоў у «Катанію», клюб італьянскай Сэрыі А^[4]. У гэтым сэзоне форвард забіў 12 галоў у 17 матчах. У сэзоне 2010—2011 Лёпэс забіў толькі 8 мячоў, аднак стаў найлепшым форвардам у складзе «Катаніі». 27 студзеня 2012 ён перайшоў у «Мілян» на ўмовах арэнды^[9].

Па сканчэньні арэнды ў «Міляне» Максі Лёпэс вярнуўся ў «Катанію» і 11 ліпеня быў аддадзены ў арэнду «Сампдорыі» да канца сэзону^[10]. Сэзон 2013—2014 пачаў у «Катаніі», а 28 студзеня 2014 ізноў быў аддадзены ў арэнду «Сампдорыі».

30 чэрвеня 2014 нападнік падпісаў гадавы кантракт з клюбам «К’ева»^[11].

Міжнародная

Максі Лёпэс абараняў колеры зборных Аргентыны да 15, 17 і 20 гадоў, браў удзел у Паўднёваамэрыканскім моладзевым чэмпіянаце 2003 року. Ён мае падвойнае аргентынска-італьянскае грамадзянства.

Дасягненьні

«Рывэр Плэйт»:

• Чэмпіён Аргентыны: 2002(к), 2003(к), 2004(к)

«Барсэлёна»:

• Чэмпіён Гішпаніі (2): 2005, 2006
• Уладальнік Супэркубка Гішпаніі: 2005
• Пераможца Лігі чэмпіёнаў: 2006

«Вашку да Гама»:

• Уладальнік Кубка Гуанабара: 2019