Мокрая Дуброва

Мо́края Дубро́ва^[1] (таксама — Мо́кра^[1]) — вёска ў Пінскім раёне Берасьцейскай вобласьці. Уваходзіць у склад Лагішынскага сельсавету. На поўначы вёскі праходзіць аўтастрада Р105.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дуброва.

Мокрая Дуброва
трансьліт. Mokraja Dubrova
Першыя згадкі:	XVI стагодзьдзе
Краіна:	Беларусь
Вобласьць:	Берасьцейская
Раён:	Пінскі
Сельсавет:	Лагішынскі
Насельніцтва:	339 чал. (2009)
Часавы пас:	UTC+3
Тэлефонны код:	+375 165
Паштовы індэкс:	225721
СААТА:	1254847051
Нумарны знак:	1
Геаграфічныя каардынаты:	52°20′46″ пн. ш. 26°4′1″ у. д.
Мокрая Дуброва на мапе Беларусі ± Мокрая Дуброва Мокрая Дуброва

Гісторыя

Вёска зьяўляецца даўняй уласнасьцю каралёў Рэчы Паспалітай, была вотчынай землеўладальнікаў Сташэвічаў.

• У 1880-я складаецца з 32 двароў з насельніцтвам 203 чалавекі;
• зьяўлялася месцам бітваў у гады Першай сусьветнай і савецка-польскай войнаў;
• 9 верасьня 1915 году пад Мокрай Дубровы загінула ў баі сястра міласэрнасьці Рыма Іванова — адзіная ў Расеі жанчына, узнагароджаная ордэнам Сьвятога Георгія 4-й ступені;
• У савецкі час частка зямель падвергнулася парцэляцыі і была прададзеная сялянам;
• 1940—1954 гады — зьяўлялася цэнтрам Дуброўскага сельсавету Лагішынскга раёну Пінскай (з 8 студзеня 1954 году — Берасьцейскай) вобласьці^[2];
• у сакавіку 1944 году нацысты спалілі 3 двары, забілі 4 чалавекі.

Насельніцтва

• 2009 год — 339 чалавек
• 1999 год — 421 чалавек
• 1998 год — 432 чалавекі, 198 гаспадарак

Інфраструктура

У вёсцы знаходзяцца крама, фэльчарка-акушэрскі пункт, дом малітвы, лясьніцтва, тартак, сельскі клюб, 2 могілак; да 2015 году дзейнічала Мокрадуброўская базавая школа.

Інфармацыя для турыстаў

• Вайсковыя пахаваньні Першай сусьветнай вайны (1915—1918 гадоў):
  • на поўнач ад вёскі, у лесе;
  • на паўднёва-ўсходняй ускраіне вёскі, у полі недалёка ад дарогі на Сташаны;
  • на ўсходняй ускраіне вёскі, каля дарогі на Лышчу;
• Кенатаф Рыме Івановай (1894—1915) на вул. Кастрычніцкай, 6.