Міраслаўка

Мірасла́ўка^[1] — вёска ў Бярэзінскім раёне Менскай вобласьці Беларусі. Уваходзіць у склад Капланецкага сельсавету. Знаходзіцца за 32 км на поўдзень ад горада Беразіно, за 140 км ад Менску. На западзе мяжуе з лесам, цяче рака Бярэзіна (прыток Дняпра).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Міраслаўка (неадназначнасьць).

Міраслаўка
трансьліт. Miraslaŭka
Краіна:	Беларусь
Вобласьць:	Менская
Раён:	Бярэзінскі
Сельсавет:	Капланецкі
Насельніцтва:	33 чал. (2009)
Часавы пас:	UTC+3
Тэлефонны код:	+375 1715
Паштовы індэкс:	223328
Нумарны знак:	5
Геаграфічныя каардынаты:	53°38′59″ пн. ш. 28°57′15″ у. д.
Міраслаўка на мапе Беларусі ± Міраслаўка Міраслаўка

Гісторыя

Згадваецца ў 1704 годзе як вёска ў складзе маёнтку Якшыцы ў Менскім ваяводзтве ВКЛ^[2]. Але на паўднёвай ускраіне, на пясчанай пойме высокага левага берагу Бярэзіны разьмешчаны курганны могільнік, за 1,5 км на поўнач ад вёскі — другі могільнік, за 1 км на паўночны захад ад вёскі — паселішча, дзе знойдзены крамянёвыя прылады працы эпохі мэзаліту, нэаліту і бронзавага веку. Гэта сьведчыць аб засяленьні тутэйшых мясьцін у глыбокай старажытнасьці.

У 1800 годзе ўласнасьць памешчыка М. Шэмета, у Ігуменскім павеце Менскай губэрні. На 1890 год уласнасьць памешчыка Лукашевіча. У гэты ж год адкрыта школа граматы, у якой у першы год навучалася 11 хлопчыкаў. У 1912 годзе школа пераўтвараецца ў аднаклясную народную вучэльню. Паводле перапісу 1897 году ў вёсцы зарэгістраваны вятрак з млынам, хлебазапасны магазын.

У 1921 годзе арганізаваны гурток па ліквідацыі непісьменнасьці, у 1928 годзе — сельскагаспадарчая камуна «Уперад», у 1931 годзе — калгас «Запаветы Леніна». На франтах Вялікай Айчынай вайны загінулі 50 вяскоўцаў. У баях каля вёскі ў 1941 годзе загінулі 9 савецкіх воінаў, якія пахаваны ў брацкай магіле за 0,5 км на захад ад вёскі.

Да 21 сьнежня 2007 году вёска ўваходзіла ў склад Брадзецкага сельсавету^[3]. З 2007 па 2013 год у складзе Сялібскага сельсавету^[4].

Насельніцтва

• 1800 год — 11 двароў, 126 жыхароў
• 1858 год — 145 жыхароў
• 1897 год — 61 двор, 377 жыхароў
• 1917 год — 89 гаспадарак, 527 жыхароў
• 1960 год — 383 жыхары
• 2003 год — 17 гаспадарак, 22 жыхары
• 2009 год — 33 чалавекі^[5]

Асобы

• Мікалай Запрудскі (нар. 1948) — беларускі пэдагог, галоўны рэдактар навукова-мэтадычнага часопісу «Фізыка: праблемы выкладаньня».
• Аляксей Каўко (1922—2012) — беларускі пісьменьнік.
• МікалайКаўко (нар. 1933) — беларускі партыйны і дзяржаўны дзеяч.