Навішчына

Наві́шчына^[1] — вёска ў Барысаўскім раёне Менскай вобласьці, за 6 км на поўдзень ад Забашавічаў, на мяжы з Ігуменскім раёнам. Навішчына ўваходзіць у склад Глівінскага сельсавету.

Навішчына
трансьліт. Naviščyna
Першыя згадкі:	пачатак 20 стагодзьдзя
Краіна:	Беларусь
Вобласьць:	Менская
Раён:	Барысаўскі
Сельсавет:	Глівінскі
Вышыня:	170 м н. у. м.
Насельніцтва:	46 чал. (2010)
Часавы пас:	UTC+3
Тэлефонны код:	+375 177
Паштовы індэкс:	222117
Нумарны знак:	5
Геаграфічныя каардынаты:	53°59′20.00″ пн. ш. 28°37′50.02″ у. д.
Навішчына на мапе Беларусі ± Навішчына Навішчына

Гісторыя

Вядома з пачатку 20 стагодзьдзя. У 1908 г. засьценак, 10 двароў, 82 жыхары, у Глівінскай воласьці Барысаўскага павету Менскай губэрні. У 1917 г. 18 двароў, 119 жыхароў. Ад лютага да сьнежню 1918 г. на тэрыторыі, акупаванай войскамі кайзэраўскай Нямеччыны, ад жніўня 1919 да траўня 1920 г. — польскімі войскамі. Ад 1 студзеня 1919 г. у БССР, ад лютага — у Літ.-Бел. ССР, ад 31 ліпеня 1920 г. у БССР. Ад 20 жніўня 1924 г. у Забашэвіцкім, ад 10 студзеня 1929 г. да 23 жніўня 1937 году ў Лозінскім нацыянальным польскім сельсавеце Барысаўскай акругі, ад 20 лютага 1938 г. Менскай вобласьці. Паводле перапісу 1926 г. 20 двароў, 107 жыхароў. У 1930-я гг. у складзе польскага нацыянальнага калгасу «Домбаль». У Вялікую Айчынную вайну ад пачатку ліпеня 1941 г. да 29 чэрвеня 1944 г. акупавана нямецка-фашыстоўскімі захопнікамі. На вясковых могілках пахаваныя 2 партызаны, якія загінулі ў баі супраць акупантаў у студзені 1944 г. У 1960 г. 143 жыхары. У 1988 г. 50 гаспадарак, 100 жыхароў^[2].

28 траўня 2013 году разам зь іншымі населенымі пунктамі ліквідаванага Забашавіцкага сельсавету перададзеная ў склад Глівінскага сельсавету^[3].

Насельніцтва

• 2010 год — 46 жыхароў
• 2008 год — 56 жыхароў, 43 гаспадаркі^[2]
• 1999 год — 73 жыхары

Інфраструктура

Транспартныя сувязі па мясцовай дарозе і далей па шашы Барысаў — Забашавічы^[2].

Інфармацыя для турыстаў

За 32 км на поўдзень ад гораду ды чыгуначнай станцыі Барысаў, 81 км ад Менску. Вакол лес.