Пасекі (Падляскае ваяводзтва)

Па́секі (па-польску: Pasieki, на мясцовай беларускай гаворцы: Па́сякі^[2]) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Нараўка.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Пасекі.

Пасекі
польск. Pasieki
Першыя згадкі:	1792
Мясцовая назва:	Пасякі
Краіна:	Польшча
Ваяводзтва:	Падляскае
Павет:	Гайнаўскі
Гміна:	Нараўка
Насельніцтва:	75 чал. (31 сакавіка 2021)[1]
Часавы пас:	UTC+1
летні час:	UTC+2
Тэлефонны код:	+48 85
Паштовы індэкс:	17-220
Нумарны знак:	BHA
Геаграфічныя каардынаты:	52°51′0″ пн. ш. 23°49′0″ у. д.
Пасекі на мапе Польшчы Пасекі

Вёска мяжуе зь Белавескай пушчай.

Насельніцтва

Жыхары вёскі ў большасьці этнічныя беларусы, праваслаўныя (прыход Семяноўка^[3]). Каталіцкая частка насельніцтва (парафія Нараўка^[4]) па этнічных ідэнтыфікацыях — польская.

Гісторыя

Пасекі ў 1792 годзе прыналежалі маёнтку ў Семяноўцы^[2]. У міжваенны пэрыяд прыналежалі да гміны Масева (адміністрацыя гміны знаходзілася ў Нараўцы) (першапачаткова Белавескага, а пасьля 1922 году Бельскага павету Беластоцкага ваяводзтва). Паводле польскага перапісу насельніцтва 1921 г. пражывалі тут 98 жыхароў (усе запісаныя палякамі, хаця 89 зь іх былі праваслаўныя)^[5]. Вёска поўнасьцю згарэла ў пажары 1960-х гадоў, але была хутка адбудаваная^[2].