Перарова

Пераро́ва^[2] — хутар у Пружанскім раёне Берасьцейскай вобласьці. Уваходзіць у склад Шарашэўскага сельсавету. Знаходзіцца за 34 км на захад ад Пружанаў, 45 км ад чыгуначнай станцыі Аранчыцы на лініі Баранавічы — Берасьце.

Перарова
трансьліт. Pierarova
Памежны пераход Перароў — Белавежа
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Шарашэўскі
Насельніцтва:	29 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225176[1]
СААТА:	1256762051
Нумарны знак:	1
Геаграфічныя каардынаты:	52°38′44″ пн. ш. 23°55′37″ у. д.
Перарова на мапе Беларусі ± Перарова Перарова

Мінуўшчына

За расейскім часам — у Белавеска-Аляксандраўскай воласьці Пружанскага павету Гарадзенскай губэрні. На пачатку XX стагодзьдзя 15 жыхароў.

У 1921—1939 роках у складзе Польшчы.

Зь верасьня 1939 року ў складзе БССР, з 15 студзеня 1940 у Шарашоўскім, з 17 сьнежня 1956 у Пружанскім раёнах Берасьцейскай вобласьці. 29 траўня 2015 году Шарашэўскі пасялковы савет, у які ўваходзіў хутар, ператвораны ў сельсавет^[3].

Насельніцтва

• XX стагодзьдзе: 1970 год — 16 жыхароў (перапіс); 1999 год — 34 жыхары
• XXI стагодзьдзе: 2005 год — 6 жыхароў, 2 двары^[4]; 2010 год — 29 жыхароў

Транспарт

Аўтадарога Р81 Пружаны — мяжа Рэспублікі Польшча.

Турыстычная інфармацыя

Хутар знаходзіцца каля пешаходнага пагранічнага пераходу «Перароў — Белавежа»^[5] паміж Беларусяй і Польшчай.