Прут

Прут (па-ўкраінску: Прут, па-румынску: Prut, антычныя назвы — па-грэцку: Pyretos, Парата, Пюрэт) — рака ва Ўкраіне, Малдове і Румыніі даўжынёй 967 км, левая прытока Дунаю (басэйн Чорнага мора). Выток Пруту знаходзіцца ў Івана-Франкоўскай вобласьці ва ўсходніх Карпатах.

Рака

Прут
Прут
Прут каля Татарава Івана-Франкоўскай вобласьці
Агульныя зьвесткі
Выток	на паўночных схілах масіву Чарнагора ва Ўкраінскіх Карпатах
Вусьце	Дунай
Каардынаты вусьця	45°28′08″ пн. ш. 28°12′26″ у. д.
Краіны басэйну	Украіна Малдова Румынія
Вобласьці	Чарнавіцкая вобласьць, Івана-Франкоўская вобласьць, жудзец Баташані[d], Ясы, Васлуй[d] і Галац[d]
Даўжыня	967
Сярэднегадавы сьцёк	69,2
Плошча басэйну	27,5 тысячаў км²
Галерэя здымкаў у Вікісховішчы

Рака Прут у сярэднім цячэньні

Геаграфія

Прут пачынаецца з гор недалёка ад Гавэрлы (Украінскія Карпаты), цячэ спачатку пераважна на поўнач, пасьля павяртае на паўночны ўсход, а бліжэй да Каламыі — на паўднёвы ўсход. Дасягнуўшы мяжы паміж Малдовай і Румыніяй, паварочвае яшчэ больш на паўночны ўсход, а пасьля на поўдзень. Пачынаючы зь места Леова Прут становіцца суднаходным і ўпадае ў Дунай за 3 км на захад ад места Рані (Адэская вобласьць), недалёка ад месца ўпадзеньня самога Дунаю ў Чорнае мора.

Даўжыня ракі 967 км. Прут — другая па велічыні рака Малдовы. Ягоны басэйн займае больш за 24% плошчы краіны. На рацэ разьмешчанае вадасховішча Касьцешці-Сьцінка (Малдова/Румынія) і Сьнятынская ГЭС, месты Варохта, Ярэмчэ, Каламыя, Чарнаўцы, Наваселіца, Унгень, Леова.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2001. — Т. 13: Праміле — Рэлаксін. — 576 с. — ISBN 985-11-0216-4
• Энциклопедический словарь Брокгауза и Ефрона: В 86 томах (82 т. и 4 доп.). СПб, 1890—1907.

Вонкавыя спасылкі

Прут — сховішча мультымэдыйных матэрыялаў

• Сфэрычная панарама ракі  (рас.)
• Туры і падарожжы па Пруце  (укр.)