Пількаўшчына

Пі́лькаўшчына^[1] — вёска ў Мядзельскім раёне Менскай вобласьці Беларусі. Уваходзіць у склад Сваткаўскага сельсавету.

Пількаўшчына
трансьліт. Piĺkaŭščyna
Краіна:	Беларусь
Вобласьць:	Менская
Раён:	Мядзельскі
Сельсавет:	Сваткаўскі
Насельніцтва:	61 чал. (2009)
Часавы пас:	UTC+3
Тэлефонны код:	+375 1797
Паштовы індэкс:	222384
Нумарны знак:	5
Геаграфічныя каардынаты:	54°48′37.01″ пн. ш. 27°6′7.99″ у. д.
Пількаўшчына на мапе Беларусі ± Пількаўшчына Пількаўшчына
Галерэя здымкаў у Вікісховішчы

Гісторыя

У 1868 годзе вёска Мядзельскай воласці Вілейскага павету Віленскай губэрні, 6 двароў, 49 жыхароў. У 1904 годзе вёска, 124 жыхары, у 1908 годзе — 19 двароў, 119 жыхароў.

У 1921 годзе вёска ў гміне Мядзел Дунілавіцкага (з 1925 году Пастаўскага) павету Віленскага ваяводзтва, 22 двары, 104 жыхары.

З 12 кастрычніка 1940 году ў Сваткаўскім сельсавеце Мядзельскага раёна Вялейскай, з 20 верасьня 1944 году ў Маладзечанскай, з 20 студзеня 1960 году Менскай абласцей.

У 1948 годзе створаны калгас «Новы шлях». З 1950 да 1959 года вёска — цэнтар узбуйненага калгасу «Зара» (да 30 ліпеня 1957 года калгас імя Молатава), з 1988 году ў калгасе імя Леніна, з 1994 года ў аграфірме «Зара», з сакавіка 1997 году ў сельскагаспадарчым прадпрыемстве імя М. Танка (цэнтар — вёска Сваткі).

Насельніцтва

• 1931 год — 24 двары, 132 жыхары^[2]
• 1940 год — 26 двароў, 134 жыхары
• 1960 год — 132 жыхары
• 1997 год — 40 двароў, 92 жыхары
• 2009 год — 61 чалавек^[3]

Славутасьці

Хата, у якой нарадзіўся М. Танк (цяпер музей)

• Хата, у якой нарадзіўся Максім Танк. Хутар, на якім нарадзіўся паэт, знаходзіцца на ўскрайку лесу, за кілямэтар ад вёскі Пількаўшчына^[4].

Асобы

• Максім Танк (Яўген Іванавіч Скурко, 1912—1995) — народны паэт Беларусі.
• Язэп Скурко (1938—1989) — паэт, перакладчык, кінадраматург.