Рудня (Жлобінскі раён)

Ру́дня^[1] — вёска ў Беларусі. Уваходзіць у склад Навамаркавіцкага сельсавету Жлобінскага раёну Гомельскай вобласьці. Насельніцтва 7 чал. (2004). Знаходзіцца за 42 км на поўдзень ад места Жлобін, за 18 км ад чыгуначнай станцыі Яшчыцы (лінія Жлобін — Каленкавічы), за 82 км ад Гомелю.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Рудня.

Рудня
Першыя згадкі:	XIX ст.
Былая назва:	Талстыкаўская Рудня
Краіна:	Беларусь
Вобласьць:	Гомельская
Раён:	Жлобінскі
Сельсавет:	Навамаркавіцкі
Насельніцтва:	7 чал. (2004)
Часавы пас:	UTC+3
Тэлефонны код:	+375 2334
Нумарны знак:	3
Геаграфічныя каардынаты:	52°36′48″ пн. ш. 30°0′45″ у. д.
Рудня на мапе Беларусі ± Рудня Рудня
Галерэя здымкаў у Вікісховішчы

Паблізу знаходзіцца паклады жалезьняка і жвіру.

Гісторыя

Паводле пісьмовых крыніцаў вядомая з XIX стагодзьдзя як вёска ў Рэчыцкім павеце Менскай губэрні. У 1850 годзе вёска Талстыкаўская Рудня. З 1854 году працавалі валюшня і крупадрабільня, з 1880 году хлебазапасная крама. У 1909 годзе ў Стрэшынскай воласьці. У 1931 годзе жыхары ўступілі ў калгас. У часе нямецка-савецкай вайны 15 жыхароў загінулі на фронце. Паводле перапісу 1959 году ў складзе калгасу «Зорка» (цэнтар — вёска Прыбудак).

Насельніцтва

• XIX стагодзьдзе: 1850 — 3 двары
• XX стагодзьдзе: 1909 — 10 двароў, 59 жыхароў; 1959 — 91 жыхар (паводле перапісу); 1999 — 8 жыхароў
• XXI стагодзьдзе: 2004 — 5 гаспадарак, 7 жыхароў^[2]