Русьцейка

Русьцейка (Русьцік, Рушцейка), Росьцейка (Ростэк) — мужчынскае імя і вытворнае ад яго прозьвішча.

Rosteck
Паходжаньне
Мова(-ы)	германскія
Утворанае ад	Rost + суфікс з элемэнтам -к- (-k-)
Іншыя формы
Варыянт(ы)	Росьцейка, Ростэк, Русьцік, Рушцейка
Зьвязаныя артыкулы
якія пачынаюцца з «Русьцейка»

Паходжаньне

Асноўны артыкул: Імёны ліцьвінаў

Ростэк (Rosteck) — імя германскага паходжаньня^[1]. Іменная аснова руст- (рост-) (імёны ліцьвінаў Расьціла, Рустэн, Ростаўт; германскія імёны Rustil, Rusten, Rostoldus) паходзіць ад стараверхненямецкага rustjan 'падрыхтаваць, узброіць', rusti 'рыштунак, амуніцыя'^[2].

У Прусіі бытавала імя Русьцейка: Rusteyko (1339 і 1340 гады)^[3]. У 1616 годзе ў Каралявецкім унівэрсытэце навучаўся Paulus Rosteck, Angerburgensis Borussus, у 1638 годзе — Matthias Rosteck, Reinensis Borussus, у 1642 годзе — Matthias Rosteck, Reinensis Prussus^[4], у 1649 год — Raphael Rosteck, Reinensis Borussus^[5]. Увогуле, у Прусіі шырока бытавала прозьвішча Rostek^[6], у тым ліку ў ваколіцах Мэмэлю^[7].

Варыянты імя ў гістарычных крыніцах: Rosteyke Schipen zoen (23 студзеня 1406 году)^[8]; Rusteyke (1407 год)^[3]; Михно Рустеиковичъ, хоружии… Вокдатъ Рустеиковичъ… Барътошь Рустеиковичъ (1528 год)^[9]; Ширмунта Рустейковича (1540—1543 гады)^[10]; Андрей Ростекъ^[11], Миколай Рустейковичъ^[12] (1567 год); пана Флорияна Рустеиковича (8 лістапада 1591 году)^[13]; Адамъ Рустейковичъ, писаръ земскій Жомоитской (2 сьнежня 1592 году)^[14]; пана Миколам Еронимовича Рустеика (11 кастрычніка 1597 году)^[15]; Rustikowna (1671—1681 гады)^[16]; Stanisław Ruszteyko (1690 год)^[17]; Wasko y Paweł Rostok (29 студзеня 1730 году)^[18]; Rusteykie (1744 год)^[19]; Jozafata Rósteyko (1834 год)^[20]; Rostejko (1913 год)^[21].

Носьбіты

• Росьцейка Шыпенавіч — літоўскі баярын зь Відуклі, які ўпамінаецца ў 1406 годзе
• Міхна, Вокдат і Барташ Русьцейкавічы — вялёнскія баяры, якія ўпамінаюцца ў попісе войска Вялікага Княства Літоўскага 1528 году

Ростэкі, Рустэйкі і Руштэйкі — літоўскія шляхецкія роды^[22].

Ростэкі або Рустэйкі (Rostek, Rosteck, Rustejko) гербу Трубы — літоўскі шляхецкі род (а таксама на Валыні, Сылезіі і Прусіі)^[23].

Ростка або Рустка (Rostke, Rustke) гербу ўласнага — шляхецкі род Рэчы Паспалітай з Паморскага ваяводзтва^[24].

Ростэк (Rostek) і Рустэйка (Rustejko) — прозьвішчы, зафіксаваныя ў XIX стагодзьдзі ў ваколіцах Сувалкаў^[25].

У XVI ст. існавалі маёнтак Русьцейкавічы (Рустейковичи) і «пустаўская зямля» Русьцейкаўшчына (Рустейковщина) у Жамойцкім старостве^[26].