Рост (імя)

Рост (Росьць, Ройсьць), Руст (Русьць) — мужчынскае імя і вытворнае ад яго прозьвішча.

Rost
Паходжаньне
Мова(-ы)	германскія
Іншыя формы
Варыянт(ы)	Руст, Росьць, Русьць, Ройсьць
Зьвязаныя імёны	Русьцейка, Расьціла, Ростан, Рустэн, Ростаўт
Зьвязаныя артыкулы
якія пачынаюцца з «Рост»

Паходжаньне

Асноўны артыкул: Імёны ліцьвінаў

Руста бо Руст, пазьней Рост (Rusto, Rust, Rost) — імя германскага паходжаньня^[1]. Іменная аснова руст- (рост-) паходзіць ад стараверхненямецкага rustjan 'падрыхтаваць, узброіць', rusti 'рыштунак, амуніцыя'^[1][a]. Сярод ліцьвінаў бытавалі імёны Русьцейка (Росьцейка, Ростэк), Расьціла, Ростан, Рустэн, Ростаўт (Росталт, Роштаўт). Адзначаліся германскія імёны Rosteck, Rustil, Rostan, Rusten, Rostoldus (Rostaldus, Rustoldus)^[b].

У Прусіі бытавалі імёны: Ruste (1371 год)^[6], Rusteyko^[c] (1339 і 1340 гады)^[6]. У 1619 годзе ў Каралявецкім унівэрсытэце навучаўся Jacobus Rost, Regiomontanus Borussus, у 1654 годзе — Christophorus Rostus, Liccensis Borussus^[8].

У Ноўгарадзе бытавалі імёны Росьціх (Ростихъ) і Росьціла (Ростила)^[9].

Варыянты імя ў гістарычных крыніцах: у Василишскомъ повете людеи на имя Ростя Бяневича (4 кастрычніка 1499 году)^[10]; немоноитъскихъ людеи… Станька Ростевича (5 ліпеня 1506 году)^[11]; люди Станько Ростевичъ (23 чэрвеня 1506 году)^[12]; в Новгородцком повете три чоловеки… Ростя Величковича (15 сакавіка 1512 году)^[13]; людемъ… Росту Киневичу (10 траўня 1520 году)^[14]; землю Ростевъщину (1537 год)^[15]; людей… Мокея Ростовичъ (19 студзеня 1541 году)^[16]; светкомъ… Митка Рустевичъ (16 лютага 1541 году)^[17]; бояре наши трабские… Богдан, Рости Войтехович (22 чэрвеня 1560 году)^[18]; Иван Ростевич^[19], Богдан Рость, Микита Рость^[20] (1563 год); Федя Ростевая Панкевича (1567 год)^[21]; Woyciech Rost (сакавік — красавік 1656 году)^[22]; Rościewicze (1744 год)^[23].

Носьбіты

• Іван Росьцевіч, Багдан і Мікіта Росьці — геранёнскія баяры, якія ўпамінаюцца ў 1563 годзе
• Эміль Васільевіч Руст — капітан 1-й роты Ковенскай крапасной артылерыі^[24]

На гістарычнай Слонімшчыне існуе вёска Росьцевічы, на гістарычнай Ашмяншчыне — Росьцішкі, на гістарычнай Віленшчыне — два хутары з назвай Ройсьцішкі.

Заўвагі

1. Польска-летувіская аўтарка Юстына Вальковяк прызнае брак адэкватнага тлумачэньня іменнай асновы рас- зь летувіскай мовы^[2]
2. Таксама адзначаліся германскія імёны Rostarus (Rost-arus)^[3], Rostert (Rost-ert)^[4], Rustman (Rust-man)^[5]
3. Адзначалася германскае імя Rosteck^[7]